Innlent

Mikil­vægt að tæma dolluna

Bjarki Sigurðsson skrifar
Nikótínpúðar verða sívinsælli meðal Íslendinga.
Nikótínpúðar verða sívinsælli meðal Íslendinga. Vísir/Egill

Samskiptastjóri Sorpu segir það mikilvægt að tæma nikótínpúðadollur áður en þær eru settar í endurvinnslu. Púðarnir eru ekki endurvinnanlegir þrátt fyrir að dollan eigi að fara í plastruslið. 

Vinsældir nikótínpúða hafa aukist gífurlega síðustu ár. Nýlega var greint frá því að fjörutíu prósent karlmanna á aldrinum átján til 24 ára noti púðana daglega. Sama á við um nítján prósent kvenna á sama aldri. 

Flestar nikótínpúðadollur eru með hólf ofan á þeim svo hægt sé að setja þangað notaða púða. Púðarnir eru ekki endurvinnanlegir annað en dollurnar sem eru oftar en ekki úr plasti. Gunnar Dofri Ólafsson, samskiptastjóri Sorpu, segir það vera mikilvægt að hólfið sé tæmt áður en dollan er sett í endurvinnslu. 

„Ég held að allt sem þú hefur japlað á eða svoleiðis sem er ekki matur, eins og tyggjó og nikótínpúðar, þetta á allt saman að fara í blönduðu tunnuna og svo í brennslu þegar að því kemur,“ segir Gunnar.

Þannig tæma dolluna áður en þú endurvinnur hana?

„Já takk.“

Sorpa Umhverfismál Nikótínpúðar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið