Veður

Allt að fjórtán stiga hiti

Bjarki Sigurðsson skrifar
Hiti gæti náð fjórtán stigum í dag.
Hiti gæti náð fjórtán stigum í dag. Vísir/Vilhelm

Í dag er spáð austlægri átt, fimm til þrettán metrar á sekúndu. Súld og rigning með köflum en yfirleitt þurrt norðaustanlands. Hiti verður víða á bilinu sjö til fjórtán stig. 

Lægð djúpt suðvestur af landinu beinir til okkar mildu og röku lofti. Það verður því austan- og suðaustanátt í dag, gola, kaldi eða strekkingur.

Veðurhorfur á landinu næstu daga

Á mánudag:

Austan og suðaustan 5-13 m/s og súld eða rigning með köflum. Þurrt að kalla á norðanverðu landinu, en dálítil væta norðaustanlands undir kvöld. Hiti 6 til 15 stig.

Á þriðjudag og miðvikudag:

Fremur hæg breytileg átt og væta með köflum, einkum norðanlands. Hiti 5 til 13 stig, mildast á Suðurlandi.

Á fimmtudag:

Hægt vaxandi suðaustanátt og fer að rigna sunnan- og vestanlands seinnipartinn, en yfirleitt þurrt á Norður- og Austurlandi. Hiti 8 til 15 stig.

Á föstudag og laugardag:

Suðvestlæg eða breytileg átt og skúrir. Kólnar smám saman.

Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið