Erlent

„Myndi 100 prósent láta svæðin aftur í hendur Úkraínu“

Hólmfríður Gísladóttir skrifar
DeSantis nýtur mikils stuðnings sem ríkisstjóri Flórída, þar sem efnahagsástandið er mun betra en víða annars staðar í Bandaríkjunum.
DeSantis nýtur mikils stuðnings sem ríkisstjóri Flórída, þar sem efnahagsástandið er mun betra en víða annars staðar í Bandaríkjunum. epa/Caroline Brehman

Ron DeSantis, ríkisstjóri Flórída og mögulegur forsetaframbjóðandi, segir orð sín um stríðið í Úkraínu hafa verið misskilin og að Vladimir Pútín Rússlandsforseti sé sannarlega stríðsglæpamaður.

Ummælin lét DeSantis falla í viðtali við sjónvarpsmanninn Piers Morgan, sem spurði ríkisstjórann meðal annars út í þau orð sín að stríðið í Úkraínu væri í raun deilur um yfirráð yfir landsvæði.

DeSantis sagðist aðeins hafa átt við Donbas og Krímskaga, þar sem margir Rússar væru búsettir. Það flækti málin og það væri það sem hann hefði verið að vísa til.

„Það var ekki það að ég teldi Rússa eiga rétt á svæðinu,“ bætti hann við og kallaði réttlætingar Rússa „vitleysu“. „Ef ég gæti smellt fingrunum þá myndi ég 100 prósent láta svæðin aftur í hendur Úkraínu.“

DeSantis er sagður munu verða helsti keppinautur Donald Trump í kapphlaupinu um útnefningu forsetaefnis Repúblikanaflokksins. Hann hefur þó lítið vilja tjá sig um mögulegt framboð og er aðeins nýlega farinn að svara langvarandi árásum forsetans fyrrverandi en með óbeinum hætti.

Skoðanakannanir sýna að forskot Trump á DeSantis fer vaxandi.

Innrás Rússa í Úkraínu Bandaríkin Forsetakosningar í Bandaríkjunum 2024
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið