Veður

Skúrir í flestum lands­hlutum og rauðar tölur

Atli Ísleifsson skrifar
Reikna má með að hiti á landinu verði víða á bilinu tvö til sjö stig. Milt verður í veðri.
Reikna má með að hiti á landinu verði víða á bilinu tvö til sjö stig. Milt verður í veðri. Vísir/Vilhelm

Veðurstofan reiknar með vestlægri átt í dag þar sem víða verður strekkingur. Spáð er skúrum í flestum landshlutum en sumsstaðar slydduéljum eða éljum um norðanvert landið og þurrt suðaustanlands.

Í hugleiðingum veðurfræðings á vef Veðurstofunnar segir að það verði fremur milt í veðri þar sem hiti verður á bilinu tvö til sjö stig.

„Hægari norðlæg átt, styttir upp og frystir í kvöld en yfirleitt frostlaust með suðurströndinni.

Hæg suðlæg átt og hlýnar á morgun, fyrst vestantil á landinu með rigningu á köflum á þeim slóðum. Gengur í sunnan hvassviðri með samfelldari rigingu seint annað kvöld og slær jafnvel í storm á stöku stað aðra nótt, en hægari vindur og úrkomulítið um austanvert landið. Hlýnar um land allt, hiti 3 til 8 stig.

Um helgina er svo útlit fyrir áframhaldandi suðlægum áttum með vætu á köflum sunnan- og vestantil á landinu, annars þurrt, og hlýindi um land allt,“ segir á vef Veðurstofunnar.

Spákort fyrir klukkan 13 í dag.Veðurstofan

Veðurhorfur á landinu næstu daga

Á föstudag: Sunnan og suðvestan 5-13 m/s og dálítil væta með köflum, en þurrt austantil á landinu. Hiti 0 til 7 stig, kaldast í innsveitum á Austurlandi. Hvessir um vestanvert landið seint um kvöldið.

Á laugardag: Suðlæg átt 13-20 m/s, hvassast vestantil. Víða rigning en þurrt um norðaustanvert landið. Hiti 3 til 9 stig.

Á sunnudag og mánudag: Suðlæg átt, víða 10-15 m/s, og væta með köflum en yfirleitt þurrt á Norður- og Austurlandi. Hiti 3 til 8 stig.

Á þriðjudag: Suðvestlæg átt og víða væta um vestanvert landið en bjart með köflum eystra. Kólnar heldur í veðri.

Á miðvikudag: Útlit fyrir vestlæga átt. Skúrir eða él en úrkomulítið um austanvert landið. Hiti um og yfir frostmarki.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×