Átján ára Stefan Bajcetic skoraði í sigri Liverpool

Rauði herinn vann Aston Villa 1-3 í fyrsta leik liðanna í ensku úrvalsdeildinni eftir nokkurra vikna hlé vegna HM. Þetta var næst síðasta leikurinn á öðrum degi jóla.

Mohamed Salah mætti endurnærður eftir að hafa verið í fríi þegar HM í fótbolta fór fram. Salah braut ísinn á 5. mínútu þar sem Andy Robertsson átti stoðsendinguna. Salah hefur skorað 172 mörk fyrir Liverpool í öllum keppnum og jafnaði þar Liverpool goðsögnina Sir Kenny Dalglish sem skoraði 172 mörk fyrir Liverpool.

Virgil van Dijk bætti við öðru mark Liverpool á 37. mínútu. Mohamed Salah átti stoðsendinguna á Virgil van Dijk sem skoraði annað mark Liverpool og var staðan 0-2 fyrir gestina í hálfleik.

Mohamed Salah gaf sína fimmtugustu stoðsendingu á van Dijk og er annar leikmaðurinn í sögu Liverpool sem hefur skorað 50 mörk og gefið 50 stoðsendingar í ensku úrvalsdeildinni. Steven Gerrard er því ekki lengur einn í þessum hópi en hann skoraði 120 mörk og gaf 92 stoðsendingar fyrir Liverpool í ensku úrvalsdeildinni.

Ollie Watkins minnkað muninn í 1-2 þegar fjórtán mínútur voru liðnar af síðari hálfleik. Átján ára Stefan Bajcetic gerði út um vonir Aston Villa þegar hann bætti við þriðja marki Liverpool.

Stefan Bajcetic kom inn á fyrir Jordan Henderson á 79. mínútu og tveimur mínútum síðar skoraði hann sitt fyrsta mark í ensku úrvalsdeildinni.

Stefan Bajcetic varð næst yngsti Spánverjinn til að skora í ensku úrvalsdeildinni en Cesc Fàbregas á metið þar sem hann skoraði 17 ára og 113 daga gamall gegn Blackburn árið 2004