Innlent

Veiðibann hefur áhrif á jólamatinn

Lillý Valgerður Pétursdóttir skrifar
Bjarki Gunnarsson, verslunarstjóri Hafsins í Hlíðasmára, segir danska humarinn sem í boði mjög svipaðan þeim íslenska.
Bjarki Gunnarsson, verslunarstjóri Hafsins í Hlíðasmára, segir danska humarinn sem í boði mjög svipaðan þeim íslenska. Vísir/Egill

Humarveiðibann kemur til með að hafa áhrif á jólamatinn hjá fjölda landsmanna þetta árið sem þarf að sætta sig við innfluttan humar. Kílóið kostar allt að þrjátíu þúsund krónur.

Í lok síðast árs lagði Hafrannsóknarstofnun til bann á humarveiðum við strendur landsins árin 2022 og 2023. Íslenskur humar er því ekki lengur í boði í fiskverslunum hér á landi heldur aðeins innfluttur humar.

Í fiskverslunum Hafsins er danskur humar nú til sölu.

„Þessi humar sem við erum með er veiddur í Norðursjó, í raun og veru bara hinu megin við línuna. Þetta er mjög sambærilegur humar og íslenski humarinn,“ segir Bjarki Gunnarsson verslunarstjóri Hafsins í Hlíðasmára.

Hann segir humarinn bragðmikinn, ekki mjölkenndan og vera svipaðan að þéttleika og íslenski humarinn. Fólk eigi því ekki að finna mikinn mun.

„Svo er þetta svolítið sálrænt. Vera að kaupa íslenskt eða kaupa erlent. Fólk finnur oft mun þó það sé ekki munur,“ segir Bjarki.

Danskur humar er á meðal þess sem fiskverslanir bjóða nú upp á fyrir jólin en ekki má veiða humar við Íslandsstrendur þetta árið. Vísir/Egill

Margir séu þegar farnir að huga að jólamatnum þó tæpir tveir mánuðir séu enn til jóla

„Það er mikið spurt. Mikið hringt og fólk er byrjað að kaupa stærsta humarinn.“

Ljóst er að humarinn er vinsæll meðal landsmanna en um síðustu jólahátíð var salan á humrinum talin í tonnum.

„Við erum með tvær búðir. Við erum að selja svona tvö og hálft tonn samtals í þessum tveimur búðum. Þannig að þetta er frekar vinsælt.“

„Hann er bara allt of dýr“

Hjá fiskbúðinni Hafberg er einnig aðeins innfluttur humar í boði en nokkrar tegundir eru í boði. Þar á meðal humar frá Danmörku.

„Svo eru við líka að bjóða upp á humar frá Bandaríkjunum eða Maine Kanada sem er allur stærri og grófari,“ segir Guðmundur Óskar Reynisson fisksali hjá fiskbúðinni Hafberg.

Guðmundur Óskar Reynisson fisksali hjá fiskbúðinni Hafberg segir veiðibannið hafa þau áhrif að enginn íslenskur humar sé í boði.Vísir/Egill

Misjafnt verð er á humrinum eða allt frá tæpum tíu þúsund krónum kílóið upp í nærri þrjátíu þúsund. Aðspurður um hvað það kosti fyrir fjölskyldur að kaupa humar fyrir jólin segir Guðmundur það kosta sitt. 

„Hann er bara allt of dýr. Það má bara segja það. Sendingin sem á eftir að koma. Ég veit ekki hvar hún mun enda en það verður örugglega eitthvað eitthvað sanngjarnt.“


Tengdar fréttir

Lagt til að stöðva humarveiðar næstu tvö árin

Hafrannsóknastofnun leggur til í samræmi við varúðarsjónarmið að humarveiðar verði ekki heimilaðar árin 2022 og 2023. Aflinn það sem af er ári er sá minnsti frá upphafi.

101 árs humar­veiði­kempa hvergi nærri hætt

Virginia Oliver lætur engan bilbug á sér finna þrátt fyrir að vera orðin 101 árs gömul og rær enn til humarveiða undan ströndum Maine-ríkis í Bandaríkjunum, ásamt syni sínum, Max að nafni, sem er 78 ára.

Humarleiðangur Hafró gekk vel

Fimmtugasti og annar árlegur humarleiðangur Hafrannsóknarstofnunnar fór fram um miðjan síðasta mánuð en 10. til 19. júní var myndað á 85 stöðvum frá Jökuldýpi til vesturs og til Lónsdýpis í austri.

Kílóið af humri á allt að tuttugu þúsund krónur

Kílóið af stórum íslenskum humri getur kostað allt að tuttugu þúsund krónur út úr búð. Þá hefur mikill aflabrestur orðið til þess að óvenjulítið af humri hefur ratað í fiskbúðir.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.