Veður

Aukin skriðuhætta vegna úrkomunnar

Hallgerður Kolbrún E. Jónsdóttir skrifar
Búast má við hríðarbyl á hálendinu norðantil í dag.
Búast má við hríðarbyl á hálendinu norðantil í dag. Vísir/Vilhelm

Vaxandi lægð verður lónandi við austurströndina í dag og fylgir henni mjög hvöss norðanátt og mikil úrkoma á norðanverðu landinu. Á norðausturhorninu má búast við slyddu og snjókomu í dag.

Veðurviðvaranir af öllum litum eru í gildi á landinu, rauð á Norðausturlandi og Austurlandi að Glettingi. Á vesturhluta landsins er gular viðvaranir í gildi en annars staða appelsínugular, eins og sjá má á myndinni. 

Hér má sjá viðvaranirnar sem eru í gildi á landinu í dag.Veðurstofa Íslands

Viðvaranirnar hófu að taka gildi í nótt og gilda fram á miðjan mánudagsmorgun. Versta veðrinu er spáð frá hádegi fram að miðnætti á norðausturhorni landsins. Með lægðinni er eins og áður segir rosalegri úrkomu spáð, sem mun falla að stórum hluta sem slydda eða snjókoma á láglendi. 

Til fjalla verður snjóbylur, einkum á Norðausturlandi og hafa dýraeigendur því verið hvattir til að koma dýrum sínum í hús. Mikilli úrkomuákefð er spáð og gera má ráð fyrir meira en 10 mm/klst á Norðausturlandi í nokkrar klukkustundir. Miðað við magn úrkomu sem er spáð á svæðinu er í tilkynningu á vef Veðurstofunnar talið tilefni til að vara við aukinni skriðuhættu á Austurlandi og snjóflóðahættu á Norður- og Norðausturlandi en ekki er talin hætta í byggð. 

Þá má búast við sandfoki eða grjótfoki suðaustanlands síðdegis og í kvöld þegar vindur nær þar hámarki. 

Hægt er að fylgjast með lægðinni ganga yfir landið í beinni útsendingu hér fyrir neðan. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.