Fótbolti

Alfons og félagar unnu stórsigur í mikilvægum leik

Arnar Geir Halldórsson skrifar
Alfons Sampsted í leik með Bodo/Glimt.
Alfons Sampsted í leik með Bodo/Glimt. EPA-EFE/Mats Torbergsen

Alfons Sampsted og félagar í Bodo/Glimt unnu mikilvægan sigur á Lilleström í norsku úrvalsdeildinni í fótbolta í dag.

Alfons lék allan leikinn í hægri bakverðinum og hjálpaði liði sínu að vinna góðan 1-4 útisigur eftir að staðan í leikhléi var 1-1.

Um var að ræða afar mikilvægan leik í baráttunni um 2.sæti deildarinnar en með sigrinum fór Bodo/Glimt einu stigi upp fyrir Lilleström þegar sex umferðir eru eftir af mótinu.

Molde er með fimmtán stiga forystu á toppi deildarinnar og er því komið með níu fingur á titilinn.

Brynjar Ingi Bjarnason var ónotaður varamaður hjá Valerenga sem vann 4-0 sigur á Stromsgodset.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.