Innlent

Fundu tvö kíló af fíkni­efnum í töskum móður og sex­tán ára sonar

Kolbeinn Tumi Daðason skrifar
Norræna við höfn í Seyðisfirði.
Norræna við höfn í Seyðisfirði. Vísir/JóiK

Liðlega tvö kíló af amfetamíni og kókaíni fundust falin í ferðatöskum mæðgina er komu til Seyðisfjarðar með Norrænu að morgni þriðjudagsins 13. september síðastliðinn. Þetta kemur í tilkynningu frá lögreglunni á Austurlandi.

Þar segir að móðirin sé á fertugsaldri en sonur hennar á sextánda aldursári. Þau hafi bæði verið úrskurðuð í gæsluvarðhald til föstudagsins 23. september. Pilturinn er sökum ungs aldurs vistaður á stofnun ætluð fyrir ungmenni en gistir ekki fangageymslur meðan gæsluvarðhald varir.

Rannsókn málsins, sem unnið var í samstarfi lögreglu og tollgæslu, er sögð miða vel. Vegna rannsóknarhagsmuna geti lögregla ekki gefið frekari upplýsingar að svo stöddu.

Fjarðabyggð Lögreglumál Fíkniefnabrot Norræna Smygl
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið