Fyrsta sýnishornið úr Sumarljós og svo kemur nóttin

Sylvía Rut Sigfúsdóttir skrifar 21. september 2022 15:49

Svandís Dóra Einarsdóttir í hlutverki sínu í Sumarljós og svo kemur nóttin.

Lokamynd RIFF í ár er kvikmyndin Sumarljós og svo kemur nóttin. Leikstjóri og handritshöfundur er Elfar Aðalsteins. Myndin er byggð á skáldsögu Jóns Kalman Stefánssonar sem hlaut Íslensku bókmenntaverðlaunin árið 2006.

Myndin verður frumsýnd 8. október á RIFF kvikmyndahátíðinni. Almennar sýningar hefjast svo 14. október. Sýnishorn úr myndinni má finna í spilaranum hér fyrir neðan.

Klippa: Sumarljós og svo kemur nóttin - Sýnishorn

„Ef þú leggur við hlustir þá segir Þorpið þér kannski nokkrar ósagðar sögur. Sögur af forstjóranum unga sem dreymir á latínu og fórnar fjölskyldu og glæstum frama fyrir gamlar bækur og stjörnukíki, heljarmenni sem kiknar undan myrkrinu, fínvöxnum syni hans sem tálgar mófugla. Af bóndanum með bassaröddina sem strengir fallegar girðingar en ræður illa við fýsnir holdsins, einmana gröfukalli sem skellir sér í helgarferð til London og gömlum Dodge 55,“ segir um söguþráð myndarinnar.

Með stærstu hlutverk fara Ólafur Darri Ólafsson, Svandís Dóra Einarsdóttir, Sveinn Ólafur Gunnarsson, Heiða Reed, Sara Dögg Ásgeirsdóttir, Þorsteinn Bachmann, Jóhann Sigurðarson, Atli Óskar Fjalarsson, Sigurður Ingvarsson, Kristbjörg Kjeld, Anna María Pitt, Ebba Guðný Guðmundsdóttir, Víkingur Kristjánsson og fleiri.

Bíó og sjónvarp RIFF Kvikmyndagerð á Íslandi Bókmenntir Íslensku bókmenntaverðlaunin

Tengdar fréttir

Eskfirðingurinn filmandi kemur heim

Kvikmyndin End of Sentence eftir Elfar Aðalsteins verður frumsýnd á RIFF í haust. Leikstjórinn hefur lengi búið erlendis en er að flytja heim og undirbýr gerð íslenskrar stórmyndar ásamt leikaranum Ólafi Darra.

9. júlí 2019 08:00