Veður

Hiti að fjórtán stigum

Atli Ísleifsson skrifar
Skúrir verða á víð og dreif um landið í dag.
Skúrir verða á víð og dreif um landið í dag. Vísir/Vilhelm

Reikna má með hægviðri á landinu í dag, en sunnan fimm til tíu metrum á sekúndu með austurströndinni.

Núna í morgunsárið er rigning á Norðaustur- og Austurlandi en þar mun stytta að mestu upp uppúr hádegi. Í öðrum landshlutum verða hins vegar skúrir á víð og dreif, einkum síðdegis.

Veðurstofan gerir ráð fyrir að hiti á landinu verði á bilinu átta til fjórtán stig.

„Vestlæg eða breytileg átt, 3-10 m/s á morgun, hvassast syðst. Súld eða rigning með köflum, en að mestu þurrt á Suðausturlandi. Hiti 6 til 13 stig,“ segir um veðurspá morgundagsins.

Spákort fyrir klukkan 15 í dag.Veðurstofan

Veðurhorfur á landinu næstu daga

Á fimmtudag: Vestlæg átt, 3-10 m/s, hvassast sunnan- og vestanlands. Skúrir á víð og dreif, en bjart með köflum suðaustanlands. Hiti 5 til 13 stig, mildast á Suðausturlandi.

Á föstudag (haustjafndægur): Suðvestan 5-13 m/s, hvassast norðvestantil. Skýjað með köflum vestanlands, en bjart um austanvert landið. Hiti 7 til 12 stig.

Á laugardag: Gengur í suðvestan hvassviðri eða storm með talsverðri rigningu vestantil og hlýnandi veðri.

Á sunnudag: Gengur í stífa norðanátt með slyddu norðantil, dálítil væta syðra framan af degi en léttir síðan til þar. Hratt kólnandi veður.

Á mánudag: Norðvestan- og vestanátt, bjartviðri og svalt veður.

Á þriðjudag: Útlit fyrir breytilega átt og dálitla vætu vestantil, en bjart um austanvert landið.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×