Veður

Suð­lægar áttir og vætu­samt í dag og á morgun

Atli Ísleifsson skrifar
Spár gera ráð fyrir áframhaldandi lægðagangi í kringum landið eftir miðja viku, en engin lægðanna virðist sérlega haustleg.
Spár gera ráð fyrir áframhaldandi lægðagangi í kringum landið eftir miðja viku, en engin lægðanna virðist sérlega haustleg. Vísir/Vilhelm

Suðlægar áttir verða ríkjandi með nokkuð vætusömu veðri bæði í dag og á morgun, einkum sunnan og vestantil. Þó má einnig gera ráð fyrir rigningu norðaustantil seint í dag og fram eftir kvöldi.

Víða er reiknað með þrettán til átján metrum á sekúndu við suðvestur- og vesturströndina í fyrstu, en annars suðlæg átt, fimm til þrettán metrar á sekúndu. Má reikna með að lægi heldur á morgun.

Á vef Veðurstofunnar segir að þá verði hlýtt miðað árstíma og spár geri ráð fyrir allt að átján stiga hita norðaustantil í dag og á morgun.

Spár gera ráð fyrir áframhaldandi lægðagangi í kringum landið eftir miðja viku, en engin lægðanna virðist sérlega haustleg.

Spákort fyrir klukkan 14 í dag.Veðurstofan

Veðurhorfur á landinu næstu daga

Á þriðjudag: Sunnan 3-10 m/s, hvassast sunnantil og dálítil væta, en léttir til norðaustan og austanlands. Bætir í úrkomu sunnan- og vestantil um kvöldið og þykknar upp austanlands. Hiti 10 til 16 stig, hlýjast á norðaustanverðu landinu.

Á miðvikudag: Suðlæg eða breytileg átt 3-8 og sums staðar skúrir sunnantil en rigning austantil fram undir hádegi. Yfirleitt léttskýjað um landið norðanvert. Hiti 8 til 13 stig.

Á fimmtudag: Vestlæg átt, 3-8 en norðlægari með norðurströndinni. Dálítil rigning, en þurrt og bjart suðaustanlands. Hiti 5 til 12 stig, mildast á Suðaustur- og Austurlandi.

Á föstudag (haustjafndægur): Norðvestan- og vestanátt, 8-13 m/s. Dálitlar skúrir nyrst í fyrstu annars víða bjartviðri. Hiti 6 til 12 stig, mildast suðaustanlands.

Á laugardag: Útlit fyrir vaxandi suðvestanátt með talsverðri rigningu og hlýnandi veðri.

Á sunnudag: Líkur á vestlægari átt og bjartviðri syðra en snýst í norðanátt norðantil og þykknar upp. Kólnar hratt um kvöldið.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×