Tíska og hönnun

„Smitandi þegar fólk er ánægt með klæðaburðinn sinn“

Dóra Júlía Agnarsdóttir skrifar
Elma Dís elskar munstur og liti.
Elma Dís elskar munstur og liti. Aðsend

Elma Dís Árnadóttir finnur fyrir mikilli hamingju þegar hún klæðist litríkum og glitrandi flíkum og segir stílinn sinn hafa þróast með sér í gegnum árin. Henni finnst mikilvægast að fólk sé samkvæmt sjálfu sér í klæðaburði og elskar að sjá það klæða sig eins og þeim sjálfum finnst flott. Elma Dís er viðmælandi vikunnar í Tískutali.

Tískutal er fastur liður á Vísi þar sem rætt er við ólíka einstaklinga um þeirra persónulega stíl og hvernig tíska nýtist þeim í daglegu lífi. Klæðaburður er sannarlega fjölbreytt listform en við fáum að skyggnast inn í ólíka fataskápa og fræðast nánar um það merkilega tjáningarform sem tíska er fyrir hverjum og einum viðmælanda.

Hvað finnst þér skemmtilegast við tískuna?

Hún gefur svo mikil tækifæri til að tjá sig án þess að segja orð. Ég elska að sjá fólk klæða sig eins og þeim finnst flott, sama hvort mér finnst það eða ekki. 

Það er nefnilega svo smitandi þegar fólk er ánægt með klæðaburðinn sinn.

Hver er uppáhalds flíkin þín og af hverju?

Það breytist oft eftir dögum hver uppáhalds flíkin mín er. Þessa stundina er það vintage Raquel allegra jakki sem ég keypti á pop up fatamarkaði í Skipholtinu. Hann er svo fallegur, ég hef alltaf elskað að eiga eitthvað sem er alveg einstakt og enginn annar á.

Eyðirðu miklum tíma í að velja föt hverju sinni?

Það er allur skalinn á því en ég er mjög oft búin að púsla einhverju saman í hausnum á mér sem mig langar að vera í. Það er svo gaman að finna leiðir til að raða gömlu flíkunum sínum upp á nýtt og líða eins og þú sért í glænýju outfitti.

Hvernig myndirðu lýsa stílnum þínum?

Litríkur og glitrandi.

Hefur stíllinn þinn breyst mikið í gegnum tíðina og hvernig þá?

Ég myndi ekki endilega segja að hann hafi breyst heldur frekar bara þróast með mér. Ég finn fyrir mikilli hamingju að klæðast litríkum og mynstruðum fötum og hef alltaf gert. Svo má auðvitað ekki gleyma skartinu og þá helst margir hringar og ýktir eyrnalokkar.

Hvaðan sækirðu innblástur í tískunni?

Vá það er alls staðar. Stundum frá fólki úti á götu en ég skoða líka mikið Pinterest og svo er nokkrar drottningar sem ég fylgist mikið með á Instagram eins og alannanicolex, maxinewylde, sianeastmentwilliams og itsjulettefoxx.

Ertu með einhver boð og bönn þegar það kemur að klæðaburði?

Ekkert er bannað í mínum bókum þegar kemur að tísku eða klæðaburði en ég er alltaf að reyna að gera betur og kaupa meira second hand og vintage eða flíkur sem endast tímans tönn.

Hver er eftirminnilegasta flík sem þú hefur klæðst og af hverju?

Útskriftarkjóllinn minn frá Retrofete, stuttur neon gulur pallíettukjóll. Mér hefur sjaldan liðið eins og einn kjóll væri jafn mikið ég. 

Það sakar ekki hvað mér leið fabjulös þegar ég labbaði yfir sviðið í hörpunni að taka á móti þegar bachelor gráðunni minni í neongulum glimmerkjól.

Býrðu yfir einhverju góðu ráði þegar það kemur að tísku?

Alltaf að vera samkvæmur sjálfum sér og láta ekki aðra segja þér hvernig þú átt að vera. Klæddu þig eins og þér finnst flott og þér líður best, því þá ertu alltaf gordjöss!


Tengdar fréttir

„Fyrir mig er þetta hugarleikfimi“

Ármann Reynisson er mikill lífskúnstner sem hefur bæði áhuga og þekkingu á tísku og klæðaburði og segir góða hugarleikfimi að setja saman flíkur fyrir hin ýmsu tilefni. Ármann hefur ferðast víða um heiminn og skrifað tuttugu og tvær vinjettubækur en í október næstkomandi kemur tuttugasta og önnur bókin út. Hann hefur gaman að því að klæða sig upp fyrir hin ýmsu tilefni, er alltaf snyrtilegur til fara og samkvæmur sjálfum sér. Hann bjó um tíma í London þar sem hann lagði stund á viðskiptanám og segir menningarlíf borgarinnar ekki hafa verið síðri lærdóm. Ármann Reynisson bauð blaðamanni í kaffi og veitti innsýn í fataskáp sinn sem býr yfir fataúrvali sem spannar um fjörutíu ár. Hann er viðmælandi vikunnar í Tískutali.

„Eitthvað sem mér finnst asnalegt í dag getur mér fundist geggjað á morgun“

Björn Ásgeir Guðmundsson er 23 ára hagfræðingur sem hefur mikinn áhuga á tísku og er óhræddur við að skína skært í fatavali. Hann er með mikið jakkablæti og sækir innblástur víða en segir móður sína vera eina mestu tískufyrirmyndina. Björn Ásgeir er viðmælandi vikunnar í Tískutali.

„Stíllinn minn verður af­slappaðri með tímanum“

Hönnuðurinn Sigríður Ágústa Finnbogadóttir er mikill tískuspegúlant sem hefur meðal annars hannað ýmsan sviðsklæðnað á söngkonuna Bríeti. Hún lýsir stílnum sínum sem hversdagslegum með örlitlum glamúr, sækir innblástur í ólík tímabil tískusögunnar og hefur gaman að því að sjá persónulegan stíl fólks skína í fatavali. Sigríður Ágústa er viðmælandi vikunnar í Tískutali.

„Ekki láta fyrirfram ákveðna samfélags staðla ráða því hverju þú klæðist“

Ragnheiður Anna Róbertsdóttir er leiðsögukona, ferðaskipuleggjandi og mikil áhugakona um tísku sem hefur að eigin sögn alltaf verið mjög glysgjörn. Hún bíður ekki eftir tilefni til að nota fínar flíkur og er dugleg að láta gera við fötin sín frekar en að kaupa alltaf nýtt. Ragnheiður Anna er viðmælandi vikunnar í Tískutali.

„Minntu mig á að flytja út í geim ef að 2012 tískan kemur aftur“

Ísak Emanúel Glad Róbertsson er lífskúnstner og tískuspégúlant sem hefur farið í gegnum hin ýmsu tísku tímabil. Hann sækir meðal annars innblástur í gamla búbónda og nettar gellur og er mikill jakka-kall. Ísak Emanúel er viðmælandi vikunnar í Tískutali.

„Klæðaburður er í raun tungumál, tjáning og samskiptakerfi án orða“

Tanja Huld Levý Guðmundsdóttir er búninga-, tísku-, textíl- og leikmyndahönnuður sem hefur gaman af litagleði og elskar fjölbreytileikann sem tískan býr yfir. Hún lýsir stílnum sínum sem mjög flæðandi en rauði þráðurinn í klæðaburði hjá henni hefur alltaf verið dass af húmor. Tanja er viðmælandi vikunnar í Tískutali.

„Flík lítur aldrei vel út á manneskju sem líður illa í henni“

Stílistinn og listræni stjórnandinn Ellen Loftsdóttir er sérfræðingur þegar það kemur að tísku og hefur unnið í heimi tískunnar í áratugi. Hún var meðal annars stílisti Systra á Eurovision í ár og hefur unnið með einhverjum stærstu tískuhúsum heimsins. Ellen klæðist gjarnan svörtu og segir innsæið sterkasta tólið við að finna sinn eigin stíl. Ellen Loftsdóttir er viðmælandi vikunnar í Tískutali.

„Hef oftast hugsað um tísku sem eins konar ofurhetjubúning“

Sindri Snær Einarsson er þrítugur Reykvíkingur sem hefur alla tíð haft brennandi áhuga á tísku. Hann hefur aldrei trúað á boð og bönn þegar það kemur að klæðaburði og man eiginlega alltaf í hverju hann var hverju sinni. Sindri Snær er viðmælandi vikunnar í Tískutali.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.