Fótbolti

Alfons spilaði allan leikinn í sigri

Arnar Geir Halldórsson skrifar
Alfons Sampsted.
Alfons Sampsted. vísir/getty

Alfons Sampsted var á sínum stað í byrjunarliði Bodo/Glimt þegar liðið heimsótti Álasund í norsku úrvalsdeildinni í fótbolta í dag.

Fyrri hálfleikur var fjörugur þar sem Victor Boniface náði forystunni fyrir gestina á 26.mínútu en Kristoffer Odemarksbakken var fljótur að jafna metin fyrir Álasund því hann skoraði á 32.mínútu.

Boniface sá til þess að Bodo/Glimt fór með forystu í leikhléið því hann skoraði á 42.mínútu. 

Ekkert mark var skorað í síðari hálfleik og 1-2 sigur Bodo/Glimt staðreynd.

Bodo/Glimt er í 3.sæti deildarinnar, fimm stigum á eftir toppliði Molde.

Norski boltinn

Mest lesið


Fleiri fréttir

Sjá meira


×

Mest lesið