Erlent

Fundu stein­gervinga úr einu stærsta rán­dýri sögunnar

Bjarki Sigurðsson skrifar
Tölvuteikning af þorneðlu.
Tölvuteikning af þorneðlu. Getty

Fornleifafræðingar á Wight-eyju í Ermarsundi fundu á dögunum steingervinga sem þeir telja vera úr þorneðlu. Þorneðlan var eitt stærsta rándýr jarðar á krítartímabilinu.

Eðlan sem steingervingarnir tilheyra var líklegast yfir tíu metrar á lengd og var uppi fyrir um 125 milljónum ára.

Steingervingarnir fundust í stein á strönd á Wight-eyju en steininn hafði líklegast fallið úr kletti fyrir ofan ströndina. Beinin sem fundust voru hryggjarliðir, hlutar úr mjaðmagrindinni og útlimabein.

Beinin sem fundust á Wight-eyju.PeerJ Life & Environment

Chris Barker, einn þeirra sem fann steingervingana, segir í samtali við The Guardian að þrátt fyrir að beinin sem fundust séu ekki mörg sé hægt að gera ráð fyrir því að eðlan hafi verið „gríðarlega stór“.

Þorneðlan dvaldi bæði á landi og í sjó og borðaði helst fisk. Einungis tvær tegundir af þorneðlunni hafa verið nefndar, báðar eftir þeim svæðum sem steingervingarnir fundust á. Ein fannst í Marokkó en hin í Egyptalandi. Ekki er vitað hvort eðlan sem fannst á Wight-eyju af sömu tegund og þær sem hafa áður fundist.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×