Tónlist

Nýtt lag frá Bassi Maraj: „Heil plata á leiðinni sem verður algjör veisla“

Dóra Júlía Agnarsdóttir skrifar
Bassi Maraj var að senda frá sér lagið Kúreki.
Bassi Maraj var að senda frá sér lagið Kúreki. Svanhildur Gréta

Tónlistarmaðurinn og raunveruleikastjarnan Bassi Maraj var að gefa út lagið Kúreki ásamt Daniil og Joey Christ. Lagið er hluti af væntanlegri plötu og segist Bassi elska allt ferlið á bak við tónlistina. Blaðamaður tók púlsinn á Bassa Maraj.

„Ég sótti innblásturinn í laginu aðallega úr villta villta vesturbæ,“ segir Bassi og þaðan kom nafnið Kúreki. Hann segir fjölbreytileikann og það að geta skapað eitthvað vera það skemmtilegasta við tónlistina.

„Og bara allt ferlið, lowkey.“

Innblástur vestanhafs

„Ég sæki innblástur í tónlist Nicki Minaj, Doja Cat og fleiri,“ segir Bassi og bætir við að hann sé almennt hrifinn af skvísu rappi. Aðspurður hvernig hann kemur sér í gírinn áður en hann spilar fyrir framan fólk segir hann einfaldlega:

„Geri mig sexy og fæ mér einn ískaldan kokteil, chileee.“

Tækifærin komu í kjölfar Æði

Það er ýmislegt spennandi á döfinni hjá Bassa, sem sló eftirminnilega í gegn með sínu fyrsta lagi Bassi Maraj og hefur vakið athygli í raunveruleikaþáttunum Æði.

„Ég er að klára heilt albúm sem ætti að droppa í lok sumars vonandi. Það verður algjör veisla og skemmtilegir aðilar sem koma að smíðum plötunnar.“

En hvernig hlúirðu að andlega heilsu og passar upp á jafnvægið þegar það er mikið að gera?

„Ég passa upp á að taka D vítamín og hreyfa mig nóg með Tímoni, hundinum mínum. Fer í fjallgöngur líka og borða góðan mat.“

Ætlaðirðu þér alltaf að vera tónlistarmaður?

„Já og nei. Mig hefur alltaf langað það en fannst það alltaf vera frekar mikið langsótt þangað til ég fór að gera Æði og Jóhann Kristófer hjálpaði mér að fara af stað í að gera tónlist.“

Hvernig gekk samstarfið með Daniil og Joey Christ? Munið þið sameina krafta ykkar aftur á næstunni?

„Mjög vel, strákarnir eru náttúrlega bara æði og hver veit hvað framtíðin ber í skauti sér!“


Tengdar fréttir

Æði strákarnir taka upp þáttaröð fjögur á Tenerife

Patrekur Jaime, Binni Glee og Bassi Maraj eru staddir á Tenerife í augnablikinu. Þeir eru þar í samstarfi við Úrval útsýn að taka upp fjórðu þáttaröð af Æði, sem slegið hafa í gegn á Stöð 2.

Bassi Mara­j gefur út lag Hin­segin daga 2021

Raunveruleikaþáttastjarnan og tónlistarmaðurinn Bassi Maraj gaf út lagið PRIDE í dag og er um að ræða lag Hinsegin daga í ár. Hinsegin dagar fara fram dagana 3.-8. ágúst og standa fyrir hinni vinsælu Gleðigöngu.

Bassi Maraj slær öll met á Spotify og er rétt að byrja

Raunveruleikastjarnan og nú tónlistarmaðurinn Bassi Maraj hefur vægast sagt slegið í gegn undanfarin misseri. Nýtt lag hans, sem kom út í gær, fór beint í efsta sæti íslenska vinsældalistans á Spotify og segist Bassi binda vonir við að lagið verði vinsælt á klúbbnum í sumar. „Ef hann einhvern tímann opnar.“






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.