Innlent

Biðla til lítið slasaðra og veikra að leita annað en á bráða­mót­töku

Hallgerður Kolbrún E. Jónsdóttir skrifar
Mikið álag er á Landspítala þessa dagana.
Mikið álag er á Landspítala þessa dagana. Vísir/Vilhelm

Landspítalinn varar við því að mikið álag sé nú á spítalanum og sérstaklega á bráðamóttökunni í Fossvogi. Forgangsraða þurfi því verkefnum eftir bráðleika og vísa fólki á önnur úrræði ef mögulegt er. 

Fram kemur í tilkynningu frá Landspítala að fólk sem leiti á bráðamóttökuna í Fossvogi vegna vægari slysa og veikinda geti búist við langri bið eftir þjónustu og ætti þess vegna að leita annað. 

Fólk er hvatt til að leita til heilsugæslna á höfuðborgarsvæðinu en auk þeirra sem reknar eru af hinu opinbera sé hægt að leita til Heilsugæslunnar Höfða, Heilsugæslunnar Lágmúla, Heilsugæslunnar Salahverfi og Heilsugæslunnar Urðarhvarfi sem allar eru einkareknar. 

Læknavaktin í Austurveri við Háaleitisbraut veiti þá þjónustu á kvöldin og um helgar. Á virkum dögum er þar opið frá 17:00 til 23:30 og frá 9:00 til 23:30 um helgar. Þá er læknavaktin með hjúkrunarfræðinga á símavakt allan sólarhringinn í símum 1770 og 1700.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.