Bíó og sjónvarp

Gorr guða-slátrari slæst við Þór

Samúel Karl Ólason skrifar
Christian Bale í hlutverki Gorr guða-slátrara.
Christian Bale í hlutverki Gorr guða-slátrara.

Marvel hefur birt nýja stiklu fyrir næstu myndina um guðinn og ofurhetjuna Þór, Thor: Love and Thunder. Óhætt er að segja að virðist ansi margt um að vera hjá Þór, sé mið tekið af stiklunni og að hann hafi þurft að finna sig á nýjan leik eftir atburði Avengers: Endgame.

Í stiklunni sést Christian Bale í fyrsta sinn í hlutverki Gorrs, guða-slátrara, eða Gorr the God Butcher.

Gorr er, eins og nafnið gefur til kynna, eitthvað ósáttur við guði söguheims Marvels og hefur sett sér það markmið að drepa eins marga þeirra og hann mögulega getur. Eins og búið er að opna á í öðrum kvikmyndum og þá kannski sérstaklega í Disney Plus þáttunum Moon Knight, þá er mikið af guðum að finna í þessum söguheimi.

Í þessari stiklu má til að mynda sjá Russel Crowe í hlutverki Seifs.

Þá má einnig sjá meira af Natalie Portman í hlutverki Jane Fosters, sem er komin með Mjölni, hamar Þórs og hæfileika hans.

Sjá einnig: Jane Foster mætt með hamar Þórs

Til að berjast gegn Gorr fær Þór hjálp frá Jane Foster, Korg, Valkyrie og Guardians of the Galaxy.

Thor: Love and Thunder verður frumsýnd í júlí.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.