Tíska og hönnun

Sló í gegn með skóm og kynnir nú til leiks töskur

Helgi Ómarsson skrifar
Katrín Alda kynnir til leiks töskur á HönnunarMars 2022
Katrín Alda kynnir til leiks töskur á HönnunarMars 2022 MYND/SILJA MAGG

Katrín Alda Rafnsdóttir er konan á bakvið skómerkið KALDA og hefur gert það gríðarlega gott víða um heim. Hún kynnir töskur undir merkinu á HönnunarMars 2022.

„Mig hefur lengi langað að stækka vöruúrvalið og töskur voru alltaf það sem heillaði mig mest á eftir skóm. Maður er að búa til ákveðin heim þegar maður er með vörumerki og með því að stækka vörulínuna nær maður að dýpka þann heim,“ segir Katrín í samtali við Vísi.

Ný lína af töskum hjá KaldaViðar Logi

Innblástur Katrínar byggði hún á tilfinningunni sem fólk ætti eftir að upplifa með þær.

„Töskur hafa alltaf haft mikið tilfinningalegt vægi, örugglega eina varan sem trompar skó í þeim málum - svo það var eini innblásturinn í raun - hvernig ég gæti látið fólki líða á ákveðin hátt - bara með tösku,“

Tvö ár í þróun 

„Þetta var miklu erfiðari ferli en ég hélt og tók næstum tvö ár í þróun. Þó svo að töskurnar tilheyri alveg sama heim og skórnir þá þarf maður aðeins að finna sína rödd upp á nýtt þegar maður byrjar á nýrri vörulínu. Svo þetta tók tíma - en það var líka engin að flýta sér.“ Segir Katrín Alda að lokum.

Sýnishorn frá nýrri línu af töskum hjá KaldaAðsend

Línan verður frumsýnd í sýningarrými KALDA í Grandagarði 79 á föstudaginn 6 maí frá 16:00 - 18:00.


Tengdar fréttir

Tískutengdir viðburðir á HönnunarMars í ár

Hátíðin HönnunarMars verður sett formlega í Hörpu síðar í dag. Á dagskrá hátíðarinnar í ár eru rúmlega 100 sýningar og 200 viðburðir. Það ættu því allir að geta fundið eitthvað við sitt hæfi næstu daga.






Fleiri fréttir

Sjá meira


×