Liverpool fór auðveldlega í gegnum Leeds

Mohamed Salah og Sadio Mane gerðu tvö mörk hvor en Salah gerði bæði mörkin sín af vítapunktinum. Miðverðirnir Joel Matip og Virgil Van Dijk gerðu hin tvö mörkin.

Leeds sá aldrei til sólar í þessum leik en gestirnir voru aðeins með þrjár marktilraunir gegn 21 frá heimamönnum.

Með sigrinum heldur Liverpool pressuni á Manchester City sem er í toppsæti deildarinnar. Bæði lið hafa nú leikið jafn marga leiki en City er nú einungis með þriggja stiga forskot á Liverpool.

Eftir tapið stóra er Leeds nú það lið sem hefur fengið flest mörk á sig af öllum liðum í deildinni. Leeds er í frjálsu falli niður töfluna en þeir eru nú í 15 sæti með 23 stig, þremur stigum frá öruggu sæti.