Gott vetrarveður um land allt í dag

Hallgerður Kolbrún E. Jónsdóttir skrifar 13. febrúar 2022 07:23

Það verður líklega prýðilegt útivistarveður í dag ef marka má spá veðurfræðings. Vísir/Vilhelm

Útlit er fyrir að hið prýðilegasta vetrarveður verði á landinu í dag: hægur vindur, bjart og kalt.

Þetta segir í hugleiðingum veðurfræðings á vef Veðurstofu Íslands. Þrátt fyrir þessi frábæru upphafsorð stefnir í suðaustanstrekking með snjókomu af og til á suðvesturlandi en lítið lægðardrag stefnir í átt að landinu úr suðri.

Þá er ákveðin óvissa um hversu mikið fellur úr draginu en líklega byrjar að snjóa seinni partinn á höfuðborgarsvæðinu, þó einhver úrkoma geti fallið fyrr.

Á morgun gengur hins vegar í suðaustanhvassvirði eða storm á sunnan- og vestanverðu landinu með slyddu eða snjókomu. Á norðurlandi verður hins vegar þurrt og hægari vindur. Þá hlýnar aðeins á morgun með þessum skilum en kólnar síðan jafnharðan á þriðjudag.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.