Bíó og sjónvarp

Tuttugu vinsælustu kvikmyndir ársins 2021 á Íslandi

Sylvía Rut Sigfúsdóttir skrifar
Bond og Leynilögga voru vinsælustu kvikmyndirnar hér á landi á síðasta ári.
Bond og Leynilögga voru vinsælustu kvikmyndirnar hér á landi á síðasta ári. Samsett

Nýjasta James Bond myndin No Time to Die var tekjuhæsta kvikmynd síðasta árs í kvikmyndahúsum hér á landi. Íslenska kvikmyndin Leynilögga var í öðru sæti listans.

Samkvæmt tilkynningu frá FRÍSK halaði No Time to Die inn rúmlega 87 milljónum króna í miðasölu. Yfir 58 þúsund kvikmyndahúsagestir sáu Daniel Craig kveðja hlutverk sitt sem leyniþjónustumaðurinn vinsæli 007 og var kvikmyndin nokkuð örugglega aðsóknarmesta mynd ársins.

Á hælum Bond á aðsóknarlista ársins mættu til leiks annars konar hetjur en fyrsta mynd Hannesar Þórs Halldórssonar, Leynilögga, sló heldur betur í gegn. Leynilögga þénaði yfir 76 milljónir í miðasölu en yfir 40 þúsund manns lögðu leið sína í kvikmyndahús til að sjá ofurlögguna Bússa berjast við hættulegustu glæpamenn landsins.

Í þriðja sæti listans var svo nýjasta myndin um ofurhetjuna vinsælu Spider-man. Kvikmyndin Spider-man: No Way Home var frumsýnd viku fyrir jól en þrátt fyrir það klifraði Köngulóarmaðurinn alla leið upp í þriðja sæti listans yfir vinsælustu myndir ársins. Á fyrstu tveimur vikum sínum í sýningu þénaði kvikmyndin yfir 61 milljónir króna í miðasölu og höfðu þá yfir 40 þúsund manns séð hana í kvikmyndahúsum hérlendis.

Einungis tvær íslenskar kvikmyndir rötuðu inn á listann yfir tuttugu tekjuhæstu kvikmyndir ársins en fimmtán íslensk verk voru sýnd í kvikmyndahúsum á árinu samkvæmt tilkynningunni.

„Þrátt fyrir að einungis tvær íslenskar myndir hafi komist á listann yfir tekjuhæstu kvikmyndirnar mátti þó sjá aukningu í heildartekjum af íslenskum kvikmyndum og heimildamyndum. Heildartekjur af íslenskum verkum á árinu voru yfir 146 milljónir króna samanborið við tæpar 116 milljónir árið 2020 en það er yfir 26 prósent aukning. Um 86 þúsund manns keyptu sig inn á íslensk verk á árinu samanborið við 70 þúsund manns á árinu 2020. Tvær kvikmyndir tóku til sín meirihlutann af aðsókn ársins en það voru áðurnefnd Leynilögga og gamanmyndin Saumaklúbburinn sem fengu yfir 74 prósent af heildartekjum íslenskra verka á árinu.“

Samtals nam miðasala í íslenskum kvikmyndahúsum 1.084.391.002 kr., sem er 62,4 prósent hækkun frá árinu á undan. 765.894 manns lögðu leið sína í kvikmyndahús á árinu sem er tæplega 50 prósent aukning frá árinu 2020.

Lista yfir tuttugu vinsælustu kvikmyndirnar á árinu 2021 má sjá hér að neðan. Tekið er fram í tilkynningu FRÍSK að vinsældum mynda er ávallt raðað eftir tekjum en ekki aðsókn. Þetta er gert til þess að hlutfall boðsmiða eða afsláttarmiða í umferð hafi ekki áhrif á uppröðun kvikmynda.

FRÍSK (Félag rétthafa í sjónvarpi og kvikmyndum) eru hagsmunasamtök rétthafa kvikmynda- og sjónvarpsefnis. Á listanum hér fyrir neðan má sjá topplistann yfir kvikmyndirnar ásamt upplýsingum um dreyfingaraðila, frumsýningardag, tekjur og tölur yfir aðsókn hér á landi.

  1. No Time To Die Myndform Myndform Indie 8.10.2021 87.657.692 kr.Aðsókn 58.018
  2. Leynilögga (Cop Secret)* Samfilm Sam Indie 20.10.2021 76.375.016 kr. Aðsókn 41.534
  3. Spider-man: No Way Home (2021)* Sena Sony Pictures 17.12.2021 61.111.467 kr. Aðsókn 40.495
  4. Dune (2021) Samfilm Warner Brothers 17.9.2021 42.754.365 kr. Aðsókn 27.749
  5. Paw Patrol - The Movie (2021) Samfilm UIP-Paramount 18.8.2021 34.392.988 kr. Aðsókn 29.270
  6. Free Guy Samfilm Walt Disney Studios 11.8.2021 33.950.637 kr. Aðsókn 23.760
  7. Saumaklúbburinn Myndform Myndform Indie 2.6.2021 32.586.899 kr. Aðsókn 19.036
  8. Black Widow Samfilm Walt Disney Studios 7.7.2021 30.641.950 kr. Aðsókn 20.680
  9. Tom & Jerry (2021) Samfilm Warner Brothers 19.2.2021 29.504.842 kr. Aðsókn 26.029
  10. Shang-Chi and the Legend of the Ten Rings Samfilm Walt Disney Studios 3.9.2021 28.234.769 kr. Aðsókn 19.053
  11. Venom: Let there be Carnage Sena Sony Pictures 22.10.2021 24.420.769 kr. Aðsókn 16.157
  12. The Suicide Squad (2021) Samfilm Warner Brothers 6.8.2021 22.083.234 kr. Aðsókn 14.257
  13. Space Jam: A New Legacy Samfilm Warner Brothers 14.7.2021 22.037.526 kr. Aðsókn 18.451
  14. Fast & Furious 9 Myndform UIP-Universal 23.6.2021 22.030.196 kr. Aðsókn 14.862
  15. Godzilla vs Kong Samfilm Warner Brothers 24.3.2021 21.126.294 kr. Aðsókn 14.771
  16. Eternals Samfilm Walt Disney Studios 5.11.2021 19.679.743 kr. Aðsókn 12.756
  17. The Conjuring; The Devil Made Me Do It Samfilm Warner Brothers 4.6.2021 19.455.351 kr. Aðsókn 12.469
  18. A Quiet Place Part 2 Samfilm UIP-Paramount 28.5.2021 18.082.206 kr. Aðsókn 11.643
  19.  Raya and the Last Dragon Samfilm Walt Disney Studios 5.3.2021 17.031.266 kr. Aðsókn 14.965
  20. The Boss Baby: Family Business Myndform UIP-Dreamworks 4.8.2021 14.774.965 kr. Aðsókn 12.715

Tengdar fréttir

The Power of the Dog og Succession sigursæl á Golden Globe

Kvikmyndin The Power of the Dog og sjónvarpsþáttaröðin Succession stóðu uppi sem sigurvegarar kvöldsins þegar Golden Globe-verðlaunahátíðin fór fram í gærkvöldi. Um var að ræða eina lágstemmdustu hátíð Hollywood í manna minnum en engar stjörnur voru viðstaddar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.