Veður

Hlý en hvöss suð­vestan­átt og vætu­samt vestan­til

Atli Ísleifsson skrifar
Hiti á landinu verður á bilinu þrjú til tíu stig.
Hiti á landinu verður á bilinu þrjú til tíu stig. Vísir/Vilhelm

Veðurstofan gerir ráð fyrir fremur hlýrri en hvassri suðvestanátt í dag. Vætusamt verður á vesturhelmingi landsins, en lengst af þurrt eystra.

Gular viðvaranir eru í gildi á Vestfjörðum, Breiðafirði og svo á norðurhluta landsins fram á kvöld.

Á vef Veðurstofunnar segir að það dragi úr vindi fyrir norðan um kvöldið. Hiti verður á bilinu þrjú til tíu stig, hlýjast austanlands.

„Kaldari vestlæg átt á morgun og él, en yfirleitt þurrt á miðvikudag. Svo lítur út fyrir að næsta hlýja lægð komi aðfararnótt fimmtudags. Þannig að þetta eru sannkallaðar umhleypingar.“

Spákoritð fyrir klukkan 14.Veðurstofan

Veðurhorfur á landinu næstu daga

Á þriðjudag: Vestan 10-18 og él, en úrkomulítið á A-landi. Kólnandi, hiti í kringum frostmark síðdegis. Norðlægari og dregur úr vindi um kvöldið.

Á miðvikudag: Vestlæg átt 3-10 og bjart með köflum. Frost 0 til 12 stig, kaldast í innsveitum NA-lands en þykknar upp og hlýnar við V-ströndina um kvöldið.

Á fimmtudag: Sunnan- og suðvestanátt og rigning á köflum, en úrkomulítið A-lands. Hiti 3 til 10 stig.

Á föstudag: Suðvestanátt, milt og skúrir, en kólnar með éljum þegar líður á daginn. Lengst af þurrt A-lands.

Á laugardag: Suðvestanátt og rigning, slydda eða snjókoma, en úrkomulítið NA-lands. hiti 0 til 5 stig en kólnar seinnipartinn.

Á sunnudag: Útlit fyrir vestlæga átt með éljum, en úrkomulítið SA-til. Frost um mest allt land.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.