Sport

Tryggvi og félagar í Zaragoza sáu ekki til sólar gegn Real Madrid

Atli Arason skrifar
Tryggvi Snær Hlinason, leikmaður Zaragoza
Tryggvi Snær Hlinason, leikmaður Zaragoza vísir/getty

Tryggvi Snær Hlinason og félagar í Zaragoza réðu ekkert við stórlið Real Madrid í spænsku ACB deildinni í dag. Real Mardird vann afar þægilegan 25 stiga sigur, 94-69.

Heimamenn í Madríd leiddu leikinn frá fyrstu körfu til þeirra síðustu og náðu mest 30 stiga forystu. Real Madrid styrkir stöðuna sína á toppi deildarinnar með sigrinum en liðið er með 10 stiga forskot á Barcelona sem er í öðru sæti. Real Madrid hefur þó leikið 3 leikjum meira en Katalónanir.

Tryggvi spilaði 16 mínútur í kvöld og gerði 6 stig ásamt því að taka 6 fráköst í leiknum.




Fleiri fréttir

Sjá meira


×