Bíó og sjónvarp

Hefja framleiðslu Fallout-þátta á árinu

Samúel Karl Ólason skrifar
Fallout-leikirnir gerast í kjölfar kjarnorkustyrjaldar sem gerir út af við flesta íbúa jarðarinnar.
Fallout-leikirnir gerast í kjölfar kjarnorkustyrjaldar sem gerir út af við flesta íbúa jarðarinnar.

Amazon mun hefja framleiðslu þátta úr söguheimi Fallout, hinna vinsælu tölvuleikja, á þessu ári. Jonathan Nolan, einn af forsvarsmönnum Westworld-þáttanna, meðal annars, hefur tekið að sér að leikstýra fyrsta þætti seríunnar.

Gerð þáttanna í heild verður stýrt af þeim Geneva Robertson-Dworet og Graham Wagner, samkvæmt frétt Deadline. Þau eru hvað þekktust fyrir Captain Marvel annars vegar og Silicon Valley hins vegar.

Þættirnir verða framleiddir í samvinnu við Bethesda, sem á réttinn að leikjunum og hefur framleitt síðustu leiki seríunnar. Amazon Studios tilkynntu árið 2020 að forsvarsmenn fyrirtækisins hefðu samið við Bethesda um réttinn til að gera þætti úr söguheiminum.

Fallout-leikirnir gerast í heimi sem breytti um stefnu frá okkar heimi í kjölfar seinni heimsstyrjaldarinnar. Þar er tækni- og menningarþróun frábrugðin okkar að því leiti að miklar framfarir náðust í beislun kjarnorku og er hún notuð til að knýja miknn fjölda tækja og tóla eins og bíla og jafnvel ristavéla.

Hins vegar varð ekki mikið um framfarir varðandi tölvur og menningu svipaði til sjötta áratugar síðustu aldar.

Stórt stríð braust út í heiminum árið 2077 sem gerði út af við flest alla íbúa jarðarinnar. Margir höfðu þó komið sér fyrir í sérstökum byrgjum þar sem þau lifðu mörg hver stríðið af.

Leikirnir vinsælu gerast á árunum 2102 til 2287 en ekki liggur fyrir hvert hvenær þættirnir eiga að gerast né hvar.


Tengdar fréttir

Leikirnir sem beðið er eftir

Nú þegar enn eitt árið er að hefjast er vert að taka stöðuna í tölvuleikjaheimum og velta vöngum yfir því sem von er á. Þar er um ansi mikið að ræða og er útlit fyrir að þó nokkrir leikir sem verða að teljast stórir líti dagsins ljós.

Skyrim er tíu ára og fær enn eina útgáfuna

Hinn gífurlega vinsæli tölvuleikur The Elder Scrolls V: Skyrim kom út fyrir tíu árum í dag. Af því tilefni fær leikurinn enn eina útgáfuna og nú sérstaka afmælisútgáfu.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.