Þrír sigrar í röð hjá Birki og félögum

Birkir hélt að hann hefði komið heimamönnum yfir á 16. mínútu, en mark hans var hins vegar dæmt af vegna rangstöðu eftir skoðun myndbandsdómara og því var markalaust í hálfleik.

Yunus Akgun kom Demirspor þó yfir með löglegu marki á 53. mínútu, og hann var aftur á ferðinni fimm mínútum síðar þegar hann tvöfaldaði forystu heimamanna.

Ekki urðu mörkin fleiri og niðurstaðan varð því 2-0 sigur Birkis og félaga. Með sigrinum lyfti Demirspor í það minnsta tímabundið upp í fjórða sæti deildarinnar úr því sjöunda, en liðið er með 29 stig eftir 18 leiki.

Galatasaray situr hins vegar í 11. sæti deildarinnar með 24 stig.