Strák tókst að lauma sér inn í hóp leik­manna City þegar þeir fögnuðu marki

Átta ára strákur komst nefnilega í fréttirnar eftir sigurleik Manchester City á Newcastle United á St. James Park um helgina.

Frænka hans birti þá myndband af kauða þegar hann laumaði sér inn á völlinn eftir að Manchester City skoraði eitt fjögurra marka sinna.

Strákurinn komst alla leið inn í miðjan hóp leikmanna Manchester City þegar þeir fögnuðu einu marka sinna.

Frænkan skrifaði: „Þegar ungur frændi þinn hleypur inn á völlinn og sá næstum því til þess að okkur var hent út,“ skrifaði Caitlin Taylor.

Það besta við þetta er að leikmenn City tóku stráknum vel og kipptu sér ekki mikið upp við það að hann væri þarna með þeim.

Það má sjá þetta myndband hér fyrir neðan en ESPN birti myndbandið sem frænkan setti inn á Tik Tok.