Tónlist

Lagið Everywhere með Fleetwood Mac í glænýjum búning á íslenska listanum

Dóra Júlía Agnarsdóttir skrifar
Niall Horan og Anne-Marie unnu saman að nýrri útgáfu lagsins Everywhere
Niall Horan og Anne-Marie unnu saman að nýrri útgáfu lagsins Everywhere Instagram @annemarie

Breska tónlistarfólkið Niall Horan og Annie-Marie mættu öflug til leiks með nýtt lag á íslenska listann í þessari viku.

Nýjasta þáttinn af Íslenska listanum á FM957 má heyra í spilaranum hér fyrir neðan.

Þrátt fyrir að lagið sé nýtt er það á sama tíma gamalt þar sem þetta er endurútgáfa af sögulegu lagi hljómsveitarinnar Fleetwood Mac, Everywhere.

Niall Horan sló upphaflega í gegn með stráka hljómsveitinni One Direction og hefur á undanförnum árum verið að gera það gott sóló. Anne-Marie hefur einnig náð miklum árangri í tónlistarheiminum og sló upphaflega í gegn með hljómsveitinni Clean Bandit og laginu Rockabye

Þessar stjörnur hafa áður unnið saman að laginu Our Song og hafa erlendir slúðurmiðlar velt fyrir sér hvort eitthvað það sé eitthvað meira á milli þeirra en bara tónlistin.

Þessi nýja útgáfa af Everywhere var kynnt inn sem líkleg til vinsælda í síðustu viku og er nú mætt í 16. sætið. Það er gaman að sjá hvað áhrif tónlistar getur lifað lengi og hvernig lag getur slegið í gegn á ný með nýrri útfærslu. Hér má heyra það í upprunalegri útgáfu Fleetwood Mac:

Annars var allt gott að frétta hjá íslenska listanum en má til dæmis nefna að jólakóngarnir Ed Sheeran og Elton John stukku upp í 6. sæti með jólalagið sitt Merry Christmas. Lagið trónir á toppi breska vinsældarlistans um þessar mundir.  

Adele endurheimti fyrsta sætið með lagið Easy On Me af plötunni 30 en lagið hefur fengið heilmikla spilun um allan heim síðustu vikur. Næstu tvær vikur verða svo af óhefðbundnu tagi hjá íslenska listanum þar sem við ætlum að vera með sérstakan jólalaga þátt á Aðfangadag og svo verður Árslistinn fluttur á gamlársdag þar sem ég fer yfir vinsælustu lög ársins.


Tengdar fréttir

Íslenski listinn: Ed Sheeran á uppleið

Breski tónlistarmaðurinn Ed Sheeran er góðvinur íslenska listans á FM957 þar sem ótal margir smellir frá honum hafa trónað á toppnum í gegnum tíðina.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.