Íslenski boltinn

Óttar Bjarni spilar með upp­eldis­fé­laginu á næstu leik­tíð

Runólfur Trausti Þórhallsson skrifar
Óttar Bjarni Guðmundsson er á leið í Breiðholtið.
Óttar Bjarni Guðmundsson er á leið í Breiðholtið. Vísir/Daníel

Það virðist klappað og klárt að Óttar Bjarni Guðmundsson muni leika með uppeldisfélagi sínu Leikni Reykjavík í efstu deild karla í knattspyrnu sumarið 2022.

Frá þessu var fyrst greint í hlaðvarpinu Dr. Football og í dag staðfesti Sigurður Heiðar Höskuldsson, þjálfari Leiknis Reykjavíkur, félagaskiptin í samtali við Fótbolti.net.

Hinn 31 árs gamli miðvörður bar fyrirliðaband ÍA í sumar en samningur hans á Akranesi rann út að tímabilinu loknu. Eftir að hafa leikið með Stjörnunni og Skagamönnum frá árinu 2017 er kominn tími til að halda heim á leið. Lék hann alls 26 leiki með ÍA í deild og bikar á síðustu leiktíð.

Leiknir Reykjavík hefur misst markvörðinn Guy Smit frá því að leiktíðinni lauk og því ljóst að fleiri breytingar eiga eftir að verða á leikmannahópi Leiknis. Sömu sögu er að segja af Skagamönnum en miðjumaðurinn Sindri Snær Magnússon ku einnig vera á leið frá félaginu.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.