Erlent

Mikill olíu­leki veldur fiski­dauða og um­hverfis­spjöllum í Kali­forníu

Atli Ísleifsson skrifar
Fjölmargir hafa komið að hreinsunarstarfi vegna lekans síðustu klukkustundirnar.
Fjölmargir hafa komið að hreinsunarstarfi vegna lekans síðustu klukkustundirnar. AP

Mikill olíuleiki hefur valdið fiskidauða og miklum umhverfisspjöllum í suðurhluta Kaliforníu. Bandarískir fjölmiðlar hafa sýnt myndir af fuglum sem þaktir eru í olíu og þá eru stór mýrasvæði nú sögð menguð.

Strandgæsla Bandaríkjanna stendur fyrir hreinsunarstarfinu, en lekinn er sagður koma frá Elly-olíupallinum.

Í frétt Reuters segir að áætlað sé að um 573 milljónir lítra, sem samsvarar um þrjú þúsund olíutunna, hafi lekið út á um 34 ferkílómetra svæði í Kyrrahafi, frá Huntington Beach til Newport Beach.

Kim Carr, borgarstjóri Huntington Beach, segir að fyrst hafi verið tilkynnt um lekann á laugardagsmorgun. 

Kallaði hún lekann „umhverfisstórslys“ sem kynni að hafa gríðarleg áhrif á vistkerfið á svæðinu. Bærinn er um 65 kílómetra suður af Los Angeles.

Að neðan má sjá myndband af hreinsunarstarfinu og lekanum.

Bandaríkin Umhverfismál Bensín og olía
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið