Þrír fluttir með þyrlu eftir árekstur og bílveltu á Holtavörðuheiði

Kolbeinn Tumi Daðason og Vésteinn Örn Pétursson skrifa 26. september 2021 15:04

Frá Holtavörðuheiðinni klukkan 15 í dag. Vegagerðin

Þrír slösuðust í umferðarslysi á Holtavörðuheiðinni á þriðja tímanum í dag. Voru þeir fluttir á Landspítalann með þyrlu Landhelgisgæslunnar sem lenti við spítalann á fimmta tímanum.

Ásgeir Erlendsson, upplýsingafulltrúi Landhelgisgæslunnar, staðfestir að þrír hafi verið fluttir með þyrlunni. Hann hafði ekki nánari upplýsingar um líðan eða slysið sjálft.

Samkvæmt upplýsingum frá lögreglunni á Norðurlandi vestra var um að ræða tveggja bifreiða árekstur sem olli því að önnur bifreiðin valt. Einn þeirra þriggja sem fluttir voru með þyrlunni hafi verið fluttur á börum en hinir tveir hafi verið á fótum. Lögregla gat ekki veitt nánari upplýsingar um líðan hinna slösuðu.

Holtavörðuheiðinni var lokað um tíma í dag vegna slyssins.

Holtavörðuheiði: Búið er að opna Holtavörðuheiði #færðin #lokað
— Vegagerðin | Iceland Roads (@Vegagerdin) September 26, 2021

Fréttin var uppfærð klukkan 17:20

Samgönguslys Landhelgisgæslan

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.