Veður

Sunnan­átt og hiti að 21 gráðu austan­lands

Atli Ísleifsson skrifar
Gunnólfsvíkurfjall í Finnafirði á Norðausturlandi.
Gunnólfsvíkurfjall í Finnafirði á Norðausturlandi. Vísir/Vilhelm

Spáð er suðvestan og sunnanátt í dag, víða fimm til tíu metrum á sekúndu, en tíu til fimmtán á norðanverðu Snæfellsnesi og einnig sumsstaðar í vindstrengjum á annesjum á Norðvesturlandi og í Öræfum.

Í hugleiðingum veðurfræðings á vef Veðurstofunnar segir að skýjað verði að mestu og súld eða rigning með köflum um vestanvert landið og hiti tíu til fjórtán stig. Víða verður bjartviðri á austurhelmingi landsins og hiti fimmtán til 21 stig á þeim slóðum, hlýjast í innsveitum austanlands.

Útlit fyrir keimlíkt veður á morgun, og næstu daga er áfram spáð hlýjum suðlægum áttum.

Spákortið fyrir klukkan 15 í dag.Veðurstofan

Veðurhorfur á landinu næstu daga

Á miðvikudag: Sunnan og suðvestan 5-10 m/s. Víða súld eða rigning vestantil á landinu og hiti 9 til 14 stig, en léttskýjað á austanverðu landinu og hiti 15 til 21 stig.

Á fimmtudag og föstudag: Sunnan átt, víða 5-10 m/s. Rigning með köflum um vestanvert landið og hiti 8 til 13 stig, en víða bjartviðri austantil á landinu og hiti 13 til 18 stig yfir daginn.

Á laugardag og sunnudag: Suðlæg átt og rigning af og til sunnan- og vestanlands, en þurrt norðaustantil. Hiti 10 til 18 stig, hlýjast á Norðausturlandi.

Á mánudag: Útlit fyrir norðlæga átt og dálitla vætu á austanverðu landinu en víða bjartviðri vestantil. Hiti víða 10 til 15 stig.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.