Veður

Að mestu skýjað og lítils­háttar rigning eða súld

Atli Ísleifsson skrifar
Hiti á landinu verður á bilinu níu til átján stig í dag.
Hiti á landinu verður á bilinu níu til átján stig í dag. Vísir/Vilhelm

Veðurstofan spáir suðlægum eða breytilegum áttum á landinu í dag, yfirleitt á bilinu þrír til átta metrar á sekúndu en syðst á landinu má þó reikna með dálitlum suðaustanstreng. Að mestu skýjað og lítilsháttar rigning eða súld í öllum landshlutum.

Hiti á landinu verður á bilinu níu til átján stig þar sem hlýjast verður í innsveitum norðaustantil.

Í hugleiðingum veðurfræðings á vef Veðurstofunnar segir að á morgun bæti heldur í vind þegar skil nálgast landið úr suðri.

„Þeim fylgir úrkomusvæði sem kemur yfir Suður- og Vesturland síðdegis á morgun en að sama skapi birtir til norðan- og austanlands.“

Spákortið fyrir klukkan 14 í dag.Veðurstofan

Veðurhorfur á landinu næstu daga

Á laugardag: Austlæg átt 3-8 m/s en 8-15 m/s við suðurströndina. Skýjað og víða rigning en bjart með köflum á Norður- og Austurlandi. Hiti 10 til 18 stig, hlýjast norðanlands.

Á sunnudag: Suðlæg átt 3-8 m/s og lítilsháttar rigning eða súld en þurrt og bjart norðantil á landinu. Hiti 11 til 20 stig, hlýjast á Norðausturlandi.

Á mánudag: Ákveðin suðaustan átt og víða rigning en bjart með köflum á Norðaustur- og Austurlandi. Hiti 12 til 22 stig, hlýjast norðaustantil.

Á þriðjudag, miðvikudag og fimmtudag: Útlit fyrir sunnan og suðaustan átt. Skýjað og rigning af og til sunnan- og vestanlands en þurrt og bjart norðaustantil á landinu. Hlýtt í veðri.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.