Fótbolti

Bauluðu á sinn eigin leikmann af því að þeir kenna honum um brottför Messi

Óskar Ófeigur Jónsson skrifar
Lionel Messi faðmar hér umræddan Samuel Umtiti í leik Barcelona.
Lionel Messi faðmar hér umræddan Samuel Umtiti í leik Barcelona. Getty/ David S. Bustamante

Barcelona er búið að vinna fyrsta titilinn án Lionel Messi en einn af þeim sem vann hann lét ekki sjá sig í verðlaunaafhendinguna.

Barcelona tryggði sér Joan Gamper með 3-0 sigri á Juventus á Nývangi um helgina. Einn leikmaður liðsins fagnaði ekki.

Þetta var erfitt kvöld fyrir franska miðvörðinn Samuel Umtiti. Stuðningsmenn Barcelona bauluðu á hann í hvert skipti sem hann fékk boltann í leiknum á móti Juve.

Hann hafði komið inn á sem varamaður í seinni hálfleik en var lagður í einelti af sínum eigin stuðningsmönnum. Umtiti strunsaði inn klefa við lokaflautið og neitaði að mæta þegar Börsungar tóku við bikarnum.

En af hverju baula stuðningsmennirnir á sinn eigin leikmann. Jú á því er skýring.

Samuel Umtiti vildi ekki taka á sig launalækkun svo hægt væri að semja við Lionel Messi.

Barcelona var yfir launaþakinu og gafst upp á því að reyna að fá nokkra leikmenn til að lækka launin sín. Launin þurftu að fara niður í 75 prósent en eru enn í 95 prósent.

Stuðningsmennirnir voru greinilega búnir að ákveða að taka Umtiti fyrir í þessum leik.

Skiljanlega mjög reiðir yfir því að missa Messi og höfðu fundið einn af blórabögglunum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.