Fótbolti

Sýndi myndband af flottustu mörkunum sínum áður en hann bað kærustunnar

Ingvi Þór Sæmundsson skrifar
Spænski landsliðsmaðurinn Marcos Llorente lék afar vel með Atlético Madrid á síðasta tímabili.
Spænski landsliðsmaðurinn Marcos Llorente lék afar vel með Atlético Madrid á síðasta tímabili. getty/Angel Martinez

Marcos Llorente, leikmaður Atlético Madrid og spænska landsliðsins, bað kærustu sinnar með miklum stæl á dögunum.

Llorente og kærasta hans, Patricia Noarbe, komu spariklædd á heimavöll Atlético Madrid, Wanda Metropolatino.

Þar horfðu þau á myndband með bestu mörkum Llorentes frá síðasta tímabili áður en myndir af þeim hjúum birtist á skjánum.

Llorente fór svo niður á annað hnéð og bað Noarbe sem sagði já. Í kjölfarið fögnuðu þau með vinum og vandamönnum sem voru einnig á staðnum.

Noarbe birti myndband af herlegheitunum á Instagram og það má sjá hér fyrir neðan.

Llorente var í lykilhlutverki hjá Atlético Madrid þegar liðið varð spænskur meistari á síðasta tímabili. Hann skoraði tólf mörk og lagði upp ellefu í spænsku úrvalsdeildinni.

Llorente lék svo með spænska liðinu á EM. Spánverjar komust í undanúrslit en töpuðu fyrir Ítölum í vítaspyrnukeppni.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.