Þurfti að fara í peysu því leik­mennirnir héldu að hann væri einn af þeim

Hjulmand hafði klæðst svartri skyrtu í fyrstu leikjum Dana en var kominn í hvítan bol ó hitanum í Bakú í gær. Það hélt þó bara í einn hálfleik.

Danir spiluðu í hvítum búningum sínum í gær og Hjulmand segir að hvítur bolur hans á hliðarlínunni hefði truflað leikmennina.

„Þegar ég kom inn í hálfleik þá sögðu leikmennirnir að þeir héldu stundum að ég væri leikmaður,“ sagði Hjulmand.

„Ég hugsaði alls ekki út í það að ég stóð í hvítu og við spiluðum í hvítu. Það voru einhverjir sem héldu að ég væri Mæhle. Svo ég fór í peysuna til að þeir sæu muninn.“

Danir spila undanúrslitaleik við England á Wembley á miðvikudaginn klukkan 19.00.

EM 2020 verður sýnt á Stöð 2 Sport EM 2020 sem er hluti af Sportpakkanum, Stóra pakkanum og Risapakkanum. EM 2020 er einnig hægt að kaupa stakt á lækkuðu verði frá og með 24. júní á kr. 3.990.