Erlent

Mun meira fjármagn fór í að styðja við framleiðslu jarðefnaeldsneytis en græna orku

Gunnar Reynir Valþórsson skrifar
Flugfélög voru meðal þeirra orkufreku fyrirtækja sem hafa fengið fjárstuðning frá hinu opinbera í kórónuveirufaraldrinum
Flugfélög voru meðal þeirra orkufreku fyrirtækja sem hafa fengið fjárstuðning frá hinu opinbera í kórónuveirufaraldrinum epa/Christophe Petit Tesson

Þjóðirnar sem skipa G7 hópinn, stærstu vestrænu iðnríkin, settu í kórónuveirufaraldrinum mun hærri upphæðir í stuðning við framleiðslu jarðefnaeldsneytis en þær settu á sama tíma í hreina orkugjafa, þrátt fyrir loforð um aukna áherslu á græna orku.

Þetta sýnir ný skýrsla sem fjallað er um í Guardian í dag en fundur þessara áhrifamiklu ríkja er nú framundan í Bretlandi. 

Ríkin sjö, Bandaríkin, Bretland, Kanada, Ítalía, Frakkland, Þýskaland og Japan eyddu 189 milljörðum dollara til stuðnings olíu, kola og gasframleiðslu frá því í janúar 2020 og fram til marsmánaðar 2021. 

Á sama tíma fóru 147 milljarðar til hreinnar orku. 

Í skýrslunni segir meðal annars að fjárframlög til jarðefnaeldsneytisfrekra fyrirtækja, til dæmis flugfélaga, hafi í flestum tilvikum verið án skilyrða, til dæmis skuldbindinga til að draga úr losun og mengun.

Aðeins einn af hverjum tíu dollurum sem veittir voru til að bregðast við kórónuveirufaraldrinum rann til „hreinna“ orkuverkefna.

Boris Johnson forsætisráðherra Breta mun taka á móti kollegum sínum úr hópnum í Cornvall þann ellefta júní næstkomandi en hann hefur sagst vilja fá þjóðirnar til þess að sameinast um að byggja upp á grænan hátt eftir faraldurinn.

Orkumál Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið