Viðbragðsstigum vegna hættu á gróðureldum hefur verið aflétt. Ríkislögreglustjóri í samráði við lögreglustjórana á Vesturlandi, Vestfjörðum, Norðurlandi vestra og eystra hefur ákveið að aflétta bæði hættu- og óvissustigum vegna gróðurelda á svæðinu.
Nægileg úrkoma hefur fallið síðastliðna daga að þeirra mati og hefur sú úrkoma verið nægileg til þess að aflétta þessum viðbragðsstigum. Þetta segir í tilkynningu frá Almannavörnum.
Almenningur er þó hvattur til að fara áfram varlega með opinn eld á gróðursælum stöðum.
Viðbragðsstig hafa verið í gildi í um mánuð vegna mikilla þurrka á landinu. Fjöldi gróðurelda hafa kviknað á undanförnum vikum vegna úrkomuleysis.
Slökkviliðsmenn hafa nú þurft að glíma við á áttunda tug gróðurelda hér á landi frá 9. apríl. Forstöðumaður brunavarna hjá Húsnæðis- og mannvirkjastofnun segir gróðurelda vaxandi vá hér á landi og að efla þurfi viðbúnað og fræðslu.
Áfram verður í gildi hættustig vegna hættu á gróðureldum á Vesturlandi, Vestfjarðakjálkanum og Norðurlandi vestra eða frá Hvalfjarðarbotni í suðri að Tröllaskaga í norðri. Óvissustig vegna hættu á gróðureldum er áfram í umdæmi lögreglustjórans á Norðurlandi eystra, það er frá Siglufirði og austur á Sandvíkurheiði.
Slökkvilið á landinu hafa samtals þurft að sinna 67 útköllum vegna gróðurelda frá 9. apríl og er ljóst að gróðureldaváin sé komin til að vera hér á landi.
