Íslenski boltinn

„Ég bara bið fyrir því,“ sagði pirraður Brynjar Björn um dómara kvöldsins

Sigurður Orri Kristjánsson skrifar
Brynjar Björn var ekki alveg jafn sáttur með Erlendur Eiríksson, dómara kvöldsins, og hann var á þessari stundu með Þorvaldi Árnasyni dómara í leik HK og Breiðabliks í fyrra.
Brynjar Björn var ekki alveg jafn sáttur með Erlendur Eiríksson, dómara kvöldsins, og hann var á þessari stundu með Þorvaldi Árnasyni dómara í leik HK og Breiðabliks í fyrra. Vísir/Bára

Brynjar Björn þjálfari HK var sáttur við sína menn en ósáttur við stigaleysið eftir tap fyrir Val að Hlíðarenda í kvöld.

„Já við vorum búnir að spila ágætlega og halda Valsmönnum að mestu leiti í skefjum. Vorum líka að koma okkur upp völlinn og skapa færi. Fengum til að mynda fyrsta færið í seinni hálfleik til þess að komast í 2-1. En Valsarnir eru alltaf hættulegir á breikinu,“ sagði Brynjar Björn eftir leik. Hann hélt svo áfram.

„Fyrsta markið þeirra kemur uppúr því. Svona heilt yfir þá fannst mér við hafa góð tök á leiknum og fannst við skapa nóg framávið til þess að fá eitthvað út úr þessum leik. Í stöðunni 2-2 erum við alveg eins líklegir og þeir. Fáum nóg af færum til þess að komast yfir aftur.“

Brynjar var ósáttur við dómgæsluna í leiknum og vildi meðal annars fá víti

„Við áttum að fá víti þegar Örvar fer niður og svo dæmir dómarinn á sams konar brot í aukaspyrnunni þegar Valsarar jafna í 2-2. Mér leiðist að tala um dómarana og heilt yfir eru þeir ekki hluti af okkar jöfnu en mér fannst verulega hallað á okkur í seinni hálfleik og alltof mörg atvik sem fóru gegn okkur.“

Það sama í lokin í síðasta markinu. Þar er brot inni í teig og við hefðum geta varist því skoti ef það hefði ekki verið brotið. Mér fannst dómarinn heilt yfir vera með ágætis tök á leiknum en bara klikkaði.“

Dómarar í leikjum munu koma í einhverjum tilfellum koma í viðtöl eftir leiki og hafði Brynjar ákveðna skoðun á því.

„Ég bara bið fyrir því,“ sagði Brynjar að lokum.


Pepsi Max deild karla er á Stöð 2 Sport en upplýsingar um útsendingar má finna hér. Pepsi Max deildin er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.