Veður

Norðan­áttin ríkjandi á landinu

Atli Ísleifsson skrifar
Á morgun er útlit fyrir mun hægari breytileg átt og þurrviðri víðast hver svo snýst smám saman í vestanátt og hlýnar.
Á morgun er útlit fyrir mun hægari breytileg átt og þurrviðri víðast hver svo snýst smám saman í vestanátt og hlýnar. Vísir/Vilhelm

Norðanáttin verður ríkjandi á landinu í dag þar sem reikna má með éljagangi og skafrenningi norðan- og austantil fram yfir hádegi. Má reikna með átta til fimmtán metrum á sekúndu í dag og frosti yfirleitt núll til fimm stig.

Í hugleiðingum veðurfræðings á vef Veðurstofunnar kemur fram að á Austfjörðum hvessi heldur af norðvestri síðar í dag og gæti veður þar verið byljótt fram á nótt.

„Á morgun er útlit fyrir mun hægari breytileg átt og þurrviðri víðast hver svo snýst smám saman í vestanátt og hlýnar.

Á miðvikudag og fimmtudag er áfram útlit fyrir vestanátt og milt loft í kjölfar víðáttumikillar hæðar suður af landinu. Þá er líklegt að þokuloft eða súld geri vart við sig við vesturströndina en bjartviðri austantil. Langtímaspár gera svo ráð fyrir snúningi um páskana með norðanátt og miklum kulda, en þær spár eiga eftir að þróast þegar líður á vikuna.“

Spákortið fyrir klukkan 14 eins og það leit út í morgun.Veðurstofan

Veðurhorfur á landinu næstu daga

Á þriðjudag: Norðvestlæg eða breytileg átt 3-8 og víða léttskýjað, en stöku él við norðurströndina og líkur á þokulofti vestantil. Hiti kringum frostmark síðdegis, annars 0 til 7 stiga frost.

Á miðvikudag: Vaxandi vestanátt og þykknar upp, 10-18 m/s seinni partinn með lítilsháttar slyddu eða rigningu N- og V-lands. Hlýnandi veður.

Á fimmtudag (skírdagur): Vestan 5-13 m/s, skýjað og dálítil súld vestast, en léttskýjað á A-verðu landinu. Hiti 2 til 8 stig yfir daginn.

Á föstudag (föstudagurinn langi): Hvöss vestanátt og súld með köflum V-lands, en þurrt og bjart veður eystra. Hiti 5 til 10 stig.

Á laugardag: Snýst í norðanátt 8-15 m/s með éljum N- og A-lands og ört kólnandi veðri. Talsvert frost um kvöldið.

Á sunnudag (páskadagur): Útlit fyrir norðan hvassviðri með éljum N- og A-lands en bjartiviðri í öðrum landshlutum. Áfram talsvert frost.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.