Rafmagn komið á að nýju í austurbæ Reykjavíkur

Bilun varð í dreifikerfi rafmagns hjá Orkuveitu Reykjavíkur fyrr í kvöld og bárust fréttir af rafmagnsleysi í austurbæ Reykjavíkur.

Samkvæmt símsvara Orkuveitunnar er unnið að viðgerð og má búist við að viðgerð geti tekið allt að eina klukkustund.

Bilunar hefur orðið vart á Háaleitissvæðinu, Teigum og Túnum.

Eiríkur Hjálmarsson, upplýsingafulltrúi Orkuveitu Reykjavíkur, segir í samtali við Vísi að ekki liggi fyrir um umfang, en vitað er að þetta sé á Háaleitissvæðinu. „Við tengjum eftir varaleið og vonumst til að samband verði komið á eftir klukkustund.“

Uppfært kl. 22:35:

Í tilkynningu frá OR segir að nú eigi allir notendur sem rafmagnslausir urðu í Reykjavík fyrr í kvöld að vera komnir með rafmagn að nýju.

„Ástæða rafmagnsleysisins var útsláttur í aðveitustöð rafmagns við Borgartún.

Starfsfólk Orkuveitunnar biðst velvirðingar á óþægindum vegna þessa.“