Þjófstörtuðu pönksenunni á Íslandi Þórður Ingi Jónsson skrifar 13. desember 2014 09:30 Bubbi, Cornwell og Jakob, með húðflúr af einkennisdýri Stranglers, Rattus Norvegicus. fréttablaðið/stefán „Tónleikarnir með Stranglers á Íslandi árið 1978 þjófstörtuðu pönksenunni hér. Þeir sem hituðu upp fyrir ykkur voru Halli & Laddi og síðan einhver íslensk proggsveit. Það voru engar nýbylgju- eða pönksveitir hér,“ sagði bassaleikarinn Jakob Smári Magnússon í samtali við Bubba Morthens og Hugh Cornwell, fyrrverandi söngvara the Stranglers í gær. Cornwell treður upp á Gauknum í kvöld en Fréttablaðið náði að smala saman þessum gömlu pönkurum í spjall um lífið og tilveruna. „Þegar ég sá tónleikana með ykkur árið 1978 fékk ég þessa mögnuðu tilfinningu og hugsaði: „Vó! Þeir eru hættulegir, þetta er alvöru! Það vantaði „attitúdið“ og hættuna í tónlistarsenuna, þannig að þegar við byrjuðum í Utangarðsmönnum vorum við harðir á þessu. Það var eins og mæður og feður segðu krökkunum sínum: „Ekki fara og sjá þessa gaura,“ segir Bubbi fullur nostalgíu. Cornwell gerði sér ekki grein fyrir því hversu mikil áhrif hljómsveit hans hafði haft á þróun íslensku tónlistarsenunnar þar til nú. „Það var eins og þegar Ramones komu til Englands,“ segir Bubbi. „Stranglers höfðu gríðarleg áhrif á íslensku tónlistarsenuna. Ef þú pælir í því þá komu Stranglers, síðan við og síðan Björk og alls kyns hlutir út úr þessu. Það var eins og að kasta steini í vatn og sjá bylgjurnar. Þið höfðuð meiri áhrif en þið gætuð ímyndað ykkur.“ En hvernig kom til hugmyndin um að fara til Íslands á þessum tíma? „Núna vilja allir koma hingað en á þessum tíma var það alls ekki raunin,“ segir Bubbi. Cornwell segir það hafa verið sniðugum umboðsmönnum að þakka. „Umboðsmennirnir okkar voru mjög klárir en þarna vorum við nýbúnir að klára plötuna Black and White. Þeir stungu upp á því að fara til Íslands út af plötunni, sem var svarthvít rétt eins og Ísland, með snjóinn og myrkrið og allt það,“ segir Cornwell. Á þessum tímapunkti í samtalinu brýst rokkarinn Smutty Smiff inn en hann er einmitt að flytja Cornwell inn. „Ég elska þetta! Þetta er eins og að sjá aðalsmenn pönksins samankomna! Það er fyndið þetta með söguna, hvernig þú hugsar ekkert um hana á meðan allt á sér stað. Þegar þú varst að spila ber að ofan, Bubbi, lítandi út eins og Iggy Pop, og þegar Joe Strummer og Sid Vicious voru að horfa á mig spila – þá hugsuðum við ekkert um að þetta yrði hluti af tónlistarsögunni.“ Cornwell segir þá skemmtilega sögu. „Við vorum að hita upp fyrir Patti Smith á sínum tíma. Þarna var Joe Strummer, sem þá var í hljómsveitinni 101ers. Hann kom baksviðs til mín eftir tónleikana, faðmaði mig með tárin í augunum og sagði: „Hugh, mig langar að vera í hljómsveit eins og þú!“ Vikuna eftir það stofnaði hann The Clash.“ Tónlist Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið Gylfi og Alexandra eiga von á barni Lífið „Ég dreg mig í hlé og fer bara og stofna kaffihús“ Lífið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið Bernard Hill er látinn Lífið Krakkatían: Kolbeinn kafteinn, langspil og hvolpar Lífið Fataherbergið seldi henni íbúðina strax Tíska og hönnun Fréttatía vikunnar: Lögreglan, körfubolti og frambjóðendur Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Fleiri fréttir „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira
„Tónleikarnir með Stranglers á Íslandi árið 1978 þjófstörtuðu pönksenunni hér. Þeir sem hituðu upp fyrir ykkur voru Halli & Laddi og síðan einhver íslensk proggsveit. Það voru engar nýbylgju- eða pönksveitir hér,“ sagði bassaleikarinn Jakob Smári Magnússon í samtali við Bubba Morthens og Hugh Cornwell, fyrrverandi söngvara the Stranglers í gær. Cornwell treður upp á Gauknum í kvöld en Fréttablaðið náði að smala saman þessum gömlu pönkurum í spjall um lífið og tilveruna. „Þegar ég sá tónleikana með ykkur árið 1978 fékk ég þessa mögnuðu tilfinningu og hugsaði: „Vó! Þeir eru hættulegir, þetta er alvöru! Það vantaði „attitúdið“ og hættuna í tónlistarsenuna, þannig að þegar við byrjuðum í Utangarðsmönnum vorum við harðir á þessu. Það var eins og mæður og feður segðu krökkunum sínum: „Ekki fara og sjá þessa gaura,“ segir Bubbi fullur nostalgíu. Cornwell gerði sér ekki grein fyrir því hversu mikil áhrif hljómsveit hans hafði haft á þróun íslensku tónlistarsenunnar þar til nú. „Það var eins og þegar Ramones komu til Englands,“ segir Bubbi. „Stranglers höfðu gríðarleg áhrif á íslensku tónlistarsenuna. Ef þú pælir í því þá komu Stranglers, síðan við og síðan Björk og alls kyns hlutir út úr þessu. Það var eins og að kasta steini í vatn og sjá bylgjurnar. Þið höfðuð meiri áhrif en þið gætuð ímyndað ykkur.“ En hvernig kom til hugmyndin um að fara til Íslands á þessum tíma? „Núna vilja allir koma hingað en á þessum tíma var það alls ekki raunin,“ segir Bubbi. Cornwell segir það hafa verið sniðugum umboðsmönnum að þakka. „Umboðsmennirnir okkar voru mjög klárir en þarna vorum við nýbúnir að klára plötuna Black and White. Þeir stungu upp á því að fara til Íslands út af plötunni, sem var svarthvít rétt eins og Ísland, með snjóinn og myrkrið og allt það,“ segir Cornwell. Á þessum tímapunkti í samtalinu brýst rokkarinn Smutty Smiff inn en hann er einmitt að flytja Cornwell inn. „Ég elska þetta! Þetta er eins og að sjá aðalsmenn pönksins samankomna! Það er fyndið þetta með söguna, hvernig þú hugsar ekkert um hana á meðan allt á sér stað. Þegar þú varst að spila ber að ofan, Bubbi, lítandi út eins og Iggy Pop, og þegar Joe Strummer og Sid Vicious voru að horfa á mig spila – þá hugsuðum við ekkert um að þetta yrði hluti af tónlistarsögunni.“ Cornwell segir þá skemmtilega sögu. „Við vorum að hita upp fyrir Patti Smith á sínum tíma. Þarna var Joe Strummer, sem þá var í hljómsveitinni 101ers. Hann kom baksviðs til mín eftir tónleikana, faðmaði mig með tárin í augunum og sagði: „Hugh, mig langar að vera í hljómsveit eins og þú!“ Vikuna eftir það stofnaði hann The Clash.“
Tónlist Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið Gylfi og Alexandra eiga von á barni Lífið „Ég dreg mig í hlé og fer bara og stofna kaffihús“ Lífið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið Bernard Hill er látinn Lífið Krakkatían: Kolbeinn kafteinn, langspil og hvolpar Lífið Fataherbergið seldi henni íbúðina strax Tíska og hönnun Fréttatía vikunnar: Lögreglan, körfubolti og frambjóðendur Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Fleiri fréttir „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira