Senda á SMS með viðvörun

Upplýsingatækni Fjarskiptafyrirtækjum er skylt að láta fólk vita af hættu á hærri rukkunum fyrir gagnamagn í farsíma en gilda innan Evrópska efnahagssvæðisins þegar það ferðast til landa utan svæðisins.

Í nýrri ákvörðun Póst- og fjarskiptastofnunar (PFS) er áréttað að láta þurfi notendur vita þegar þeir ferðast til landa þar sem gagnaþök eru ekki í gildi. Þannig hafi Hringdu brotið gegn ákvæði um tilkynningaskyldu í reglugerð ESB um reiki, þegar notandi fékk við komu til Tyrklands bara upplýsingar um verð, en ekki að verðþak væri ekki í gildi.