Náðu að sannfæra breska reggíunnendur Gyða Lóa Ólafsdóttir skrifar 18. ágúst 2016 09:30 Hljómsveitin AmabAdamA lagði land undir fót nýverið og kom fram á tónlistarhátíðinni Boomtown Fair sem fer fram í grennd við Winchester í Bretlandi. Auk þess að koma fram á hátíðinni kom sveitin fram á tónleikum í Bristol. „Þetta festival er tryllt og mikið lagt í alla hönnun og uppsetningu. Ég hef aldrei séð önnur eins svið,“ segir Steinunn Jónsdóttir, ein af meðlimum hljómsveitarinnar. „Hátíðin er haldin á risastóru landsvæði, eiginlega bóndabæ, og það er skógur og akrar sem skilja svæðin að. Þannig að maður er kannski að labba inni í miðjum skógi og þar er eitthvert sound-system að spila eða rave-partí í gangi með öllu tilheyrandi.“ Steinunn segir tónleikana hafa gengið vonum framar, bæði á hátíðinni sem og í Bristol. Og þótt það séu kannski ekki allir sem þekkja íslenskt reggí vel og öll tónlist hljómsveitarinnar sé flutt á íslensku þá virðist það ekki hafa komið að sök. Í Bristol spiluðu þau á tónleikastað og voru eina sveitin sem kom fram það kvöld. „Það kom fullt af fólki og það virtist ekki skipta máli þótt við værum að syngja á íslensku, það voru allir með okkur,“ segir Steinunn og heldur áfram: „Fólk var alveg skeptískt áður en við byrjuðum og eitthvað að velta því fyrir sér hvað íslenskt reggí væri eiginlega og setti upp einhvern svip en svo held ég að við höfum náð að sannfæra það.“ Landsmenn þekkja langflestir lög á borð við Hossa hossa en líkt og gefur að skilja þekktu Englendingar og hátíðargestir hvorki lag né texta og segir Steinunn það hafa verið skemmtilega tilbreytingu að öllum lögunum hafi verið tekið á sama hátt þótt hennar þyki auðvitað alltaf jafn gaman þegar fólk tekur undir í þekktari lögunum. „Það var gaman að prófa þetta. Reggísenan á Íslandi er náttúrulega frekar lítil og við erum búin að vera heppin með að það eru alveg frekar margir sem hlusta á okkur þótt þeir séu kannski ekki að hlusta mikið á annað reggí.“ Annars er nóg um að vera hjá Steinunni þessa dagana því auk þess að vera meðlimur í AmabAdamA er hún einnig í Reykjavíkurdætrum sem efna til útgáfutónleika næstkomandi þriðjudag. Hún segir að öllu sem til er verði tjaldað á tónleikunum þótt þeir séu á helst til óhefðbundnum tónleikadegi. „Þeir eru á þriðjudegi af því að þá komust allar Reykjavíkurdæturnar og það gerist mjög sjaldan,“ segir hún og bætir við að einhverjar mannabreytingar séu að eiga sér stað innan hópsins og því sé um einstakt tækifæri að ræða til að berja allar dæturnar augum. Miða á tónleikana má nálgast á vefsíðunni Enter.is en miðaverð í forsölu er 2.000 krónur og miðaverð við hurð er 2.900 krónur. AmabAdamA stígur næst á svið í Gamla bíói á Menningarnótt strax eftir flugeldasýninguna. Aðgangur er ókeypis og allir velkomnir.Greinin birtist fyrst í Fréttablaðinu 18. ágúst. Tónlist Mest lesið Af vængjum fram: „Ég ætla ekkert að fara að gráta hérna“ Lífið Fréttatía vikunnar: Forsetakosningar, sjóslys og mýflugnafaraldur Lífið Heitustu trendin fyrir sumarið 2024 Lífið „Blessunarlega ekkert stoppaður af foreldrum mínum“ Tíska og hönnun Öll með aðstöðu til að fagna sigri með stuðningsmönnum Lífið Hönnunarhús Markúsar Mána og Kristínar til sölu Lífið „Fengum ekki sjokk, en við fengum sjokk að hann væri með hjartagalla“ Lífið Hafa ekki sést saman í sjö vikur Lífið Andri og Erla selja í Seljunum Lífið Setja upp söngleiki, leikrit og tónleika í Háskólabíó í sumar Lífið Fleiri fréttir Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira
Hljómsveitin AmabAdamA lagði land undir fót nýverið og kom fram á tónlistarhátíðinni Boomtown Fair sem fer fram í grennd við Winchester í Bretlandi. Auk þess að koma fram á hátíðinni kom sveitin fram á tónleikum í Bristol. „Þetta festival er tryllt og mikið lagt í alla hönnun og uppsetningu. Ég hef aldrei séð önnur eins svið,“ segir Steinunn Jónsdóttir, ein af meðlimum hljómsveitarinnar. „Hátíðin er haldin á risastóru landsvæði, eiginlega bóndabæ, og það er skógur og akrar sem skilja svæðin að. Þannig að maður er kannski að labba inni í miðjum skógi og þar er eitthvert sound-system að spila eða rave-partí í gangi með öllu tilheyrandi.“ Steinunn segir tónleikana hafa gengið vonum framar, bæði á hátíðinni sem og í Bristol. Og þótt það séu kannski ekki allir sem þekkja íslenskt reggí vel og öll tónlist hljómsveitarinnar sé flutt á íslensku þá virðist það ekki hafa komið að sök. Í Bristol spiluðu þau á tónleikastað og voru eina sveitin sem kom fram það kvöld. „Það kom fullt af fólki og það virtist ekki skipta máli þótt við værum að syngja á íslensku, það voru allir með okkur,“ segir Steinunn og heldur áfram: „Fólk var alveg skeptískt áður en við byrjuðum og eitthvað að velta því fyrir sér hvað íslenskt reggí væri eiginlega og setti upp einhvern svip en svo held ég að við höfum náð að sannfæra það.“ Landsmenn þekkja langflestir lög á borð við Hossa hossa en líkt og gefur að skilja þekktu Englendingar og hátíðargestir hvorki lag né texta og segir Steinunn það hafa verið skemmtilega tilbreytingu að öllum lögunum hafi verið tekið á sama hátt þótt hennar þyki auðvitað alltaf jafn gaman þegar fólk tekur undir í þekktari lögunum. „Það var gaman að prófa þetta. Reggísenan á Íslandi er náttúrulega frekar lítil og við erum búin að vera heppin með að það eru alveg frekar margir sem hlusta á okkur þótt þeir séu kannski ekki að hlusta mikið á annað reggí.“ Annars er nóg um að vera hjá Steinunni þessa dagana því auk þess að vera meðlimur í AmabAdamA er hún einnig í Reykjavíkurdætrum sem efna til útgáfutónleika næstkomandi þriðjudag. Hún segir að öllu sem til er verði tjaldað á tónleikunum þótt þeir séu á helst til óhefðbundnum tónleikadegi. „Þeir eru á þriðjudegi af því að þá komust allar Reykjavíkurdæturnar og það gerist mjög sjaldan,“ segir hún og bætir við að einhverjar mannabreytingar séu að eiga sér stað innan hópsins og því sé um einstakt tækifæri að ræða til að berja allar dæturnar augum. Miða á tónleikana má nálgast á vefsíðunni Enter.is en miðaverð í forsölu er 2.000 krónur og miðaverð við hurð er 2.900 krónur. AmabAdamA stígur næst á svið í Gamla bíói á Menningarnótt strax eftir flugeldasýninguna. Aðgangur er ókeypis og allir velkomnir.Greinin birtist fyrst í Fréttablaðinu 18. ágúst.
Tónlist Mest lesið Af vængjum fram: „Ég ætla ekkert að fara að gráta hérna“ Lífið Fréttatía vikunnar: Forsetakosningar, sjóslys og mýflugnafaraldur Lífið Heitustu trendin fyrir sumarið 2024 Lífið „Blessunarlega ekkert stoppaður af foreldrum mínum“ Tíska og hönnun Öll með aðstöðu til að fagna sigri með stuðningsmönnum Lífið Hönnunarhús Markúsar Mána og Kristínar til sölu Lífið „Fengum ekki sjokk, en við fengum sjokk að hann væri með hjartagalla“ Lífið Hafa ekki sést saman í sjö vikur Lífið Andri og Erla selja í Seljunum Lífið Setja upp söngleiki, leikrit og tónleika í Háskólabíó í sumar Lífið Fleiri fréttir Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira