Persónuvernd skoðar birtingu ljósmyndar af ungum pilti

Alvarleg og aðsteðjandi hætta er skilyrði fyrir opinberri myndbirtingu eins og þeirri sem lögregla viðhafði fyrir helgi þegar mynd af unglingspilti var send fjölmiðlum í tengslum við rannsókn alvarlegs kynferðisbrots í Breiðholtslaug.  Þetta er áskilið í 6. gr. reglugerðar um meðferð persónuupplýsinga hjá lögreglu.

„Þegar lögregla ákveður að auglýsa eftir einstaklingum í fjölmiðlum þarf vandað mat að hafa farið fram á því hvort alvarleg og aðsteðjandi hætta er fyrir hendi sem réttlæti miðlun slíkra upplýsinga,“ segir Helga Þóris­dóttir, forstjóri Persónuverndar, og bendir á að lögreglan sjálf eigi að meta þetta en lögreglan þurfi að sama skapi að fara að megin­reglum persónuverndarlaga um sanngirni og  meðalhóf.  

„Venjulega viðhefur lögregla þetta mat og það þarf þá að skoða það sérstaklega hafi svo ekki verið,“ segir Helga og bætir við: „Allt eftirlit með lögum um meðferð persónuupplýsinga heyrir undir Persónuvernd þannig að við munum bara fara yfir þetta mál og sjá hvort talin verður þörf á að óska eftir skýringum lögreglunnar.