Djammstaðurinn Ischgl sem sýkti hálfa Evrópu Andri Eysteinsson skrifar 29. mars 2020 14:58 Frá Ischgl í Austurríki. Vísir/EPA Þrátt fyrir að viðvörunarbjöllur hafi hljómað víða um Evrópu og austurríska skíðasvæðið Ischgl verið skilgreint sem sérstakt áhættusvæði af heilbrigðisyfirvöldum nokkurra landa, hélt partýið áfram dag eftir dag. Þetta er umfjöllunarefni greinar þýska blaðsins Der Spiegel. Í umfjöllun Der Spiegel er saga kórónuveirunnar í Ischgl rakin og farið atburðarásina í bænum sem sagður er hafa sýkt hálfa Evrópu af kórónuveirunni. Ischgl - Ibiza Alpanna Smábærinn Ischgl er þekktur áfangastaður fyrir skíðaferðir og skemmtanalíf í Ölpunum. Bærinn er fámennur en íbúafjöldinn margfaldast á veturna þegar ferðamenn gera sér glaðan dag í brekkunum og á börunum seinna um kvöldið. Í umfjöllun Spiegel er fyrst vikið að atburðum 29. febrúar síðastliðnum þegar hópur írskra skíðagarpa mætir spenntur til Ischgl, tilbúnir til að láta til sín taka í brekkunum og skemmtanalífinu í „Ibiza Alpafjallanna.“ Sama dag er tilkynnt um fyrsta kórónuveirusmitið á Íslandi, skíðamaður sem hafði verið á ferð um Ítalíu, smit hafa greinst í Týról-héraði í Austurríki en partýið heldur áfram á Dorfstrasse í Ischgl. Samdægurs lendir flugvél Icelandair frá München á Keflavíkurflugvelli um borð eru ferðamenn sem höfðu verið í Ischgl. Einn þeirra finnur fyrir flensueinkennum og fer í sýnatöku. Skíðamaðurinn og þeir sem sátu næst honum í vélinni eru beðnir um að fara í sóttkví. Degi síðar höfðu þrjú tilfelli kórónuveirunnar greinst á Íslandi, allir hinna smituðu höfðu verið á skíðum í ítölsku Ölpunum. Á sama tíma gengur lífið sinn vanagang í Ischgl, fólk vaknar rennir sér á skíðum fyrri part dags og skemmtir sér svo langt fram á nótt á hinum ýmsum börum og skemmtistöðum. 5. mars er Ischgl skilgreint sem sérstakt áhættusvæði Fjórða mars hefur öllu skólahaldi á Ítalíu verið aflýst og fleiri Íslendingar, sem höfðu verið í Ischgl, greinast með kórónuveiruna. Degi síðar eru þeir orðnir 21 talsins og sóttvarnarlæknir, Þórólfur Guðnason, lýsir því yfir að skíðabærinn Ischgl í austurrísku Ölpunum sé nú skilgreint sérstakt áhættusvæði vegna kórónuveirunnar. Ákvörðun íslenska sóttvarnarlæknisins hefur engin áhrif á lífið í Paznaun-dalnum í Týról þar sem Ischgl er að finna. Austurrísk yfirvöld draga það í efa að Íslendingarnir hafi smitast í Iscghl og telja líklegt að smit hafi orðið á ferðalaginu sjálfu til Íslands. Enn heldur starfsemi áfram í skíðabænum. Þórólfur Guðnason, sóttvarnalæknir.Vísir/Vilhelm Sunnudaginn 8. mars hafa Norðmenn og Danir fetað í fótspor Íslendinga og skilgreina Ischgl sem áhættusvæði. Á sama tíma geta gestir Kitzloch barsins raðað ofan í sig drykkjum og mat og er staðurinn sagður pakkaður og gestirnir líkt og síld í tunnu. Það er svo degi síðar, þegar Norðmenn hafa sent viðvaranir til Austurríkis og Svíar og Finnar hafa skilgreint Ischgl sem áhættusvæði sem yfirvöld í Týról virðast fyrst horfast í augu við vandann. Öll Norðurlöndin vöruðu við ferðum til Ischgl Fimm dögum eftir að fyrstu vísbendingarnar og ábendingarnar höfðu borist héðan frá Íslandi. Þá hafði þegar greinst kórónuveirusmit í einum barþjónanna á Kitzloch og þúsundir nýrra skíðamanna höfðu komið til bæjarins og þúsundir farið aftur til síns heima, víðs vegar um Evrópu. Danir höfðu þá komist að því að rekja mætti helming smita þar í landi til Ischgl, sömu sögu er að segja um Norðmenn. Fréttir berast af því að 15 manns hafi smitast af barþjóninum á Kitzloch en skemmtistaðirnir halda ótrauðir áfram og auglýsa skemmtanir kvöldsins. 10. mars, eftir að Danir hafa sett Ischgl á rauða listann vegna kórónuveirunnar með Bergamo, Íran, Gyeongsanbuk-do héraði og Hubei-héraði, lýsir ríkisstjórinn Týról yfir að fjöldi smita megi rekja til Ischgl og að öllum skemmtistöðum og börum verði lokað. Skíðasvæðið er þó enn opið og sömu sögu er að segja um veitingastaði svæðisins. Meira en viku síðar loka skíðasvæðin Það er svo tólfta mars sem að ferðamálayfirvöld fyrirskipa lokanir skíðasvæðisins og degi síðar yfirgefa gestir Paznaundal og dreifa sér um Evrópu. Eigendur hótela í Ischgl lýsa yfir vonbrigðum og segja veiruna ekki verri en venjulega flensu og skilja fátt í ákvörðun stjórnvalda. Greint hefur verið frá því að flauta í eigu barþjónsins á Kitzloch hafi gengið manna á milli á barnum og megi rekja fjölda smita til þess. Þegar það kom í ljós höfðu til að mynda 139 danskir ríkisborgarar smitast í Austurríki. Nú hefur bærinn verið settur í sóttkví.Getty/ Jan Heitflesch Spiegel minnir í umfjöllun sinni á hve langur tími leið frá fyrstu viðvörun íslenska sóttvarnarlæknisins, Þórólfs Guðnasonar, til lokunar skíðasvæðisins í Ischgl og greinir frá því að enginn sem yfirgaf svæðið eftir lokun hafi verið prófaður með tilliti til kórónuveirunnar. Iscghl hefur því vakið mikla athygli á heimsvísu fyrir hæg viðbrögð sín við kórónuveirufaraldrinum og hafa í það minnsta tvær málsóknir verið settar af stað gegn yfirvöldum í Týról og skíðasvæðinu. Talið er mögulegt að smiti barþjónsins hafi verið haldið leyndu og hafi það stuðlað að dreifingu veirunnar víða um Evrópu. Faraldur kórónuveiru (COVID-19) Austurríki Mest lesið Óttast gremju uppgjafahermanna í Rússlandi Erlent Rússneskir drónar skotnir niður í lofthelgi Póllands Erlent Ekki ráðist í bólusetningarátak gegn Covid-19 Innlent Með töskurnar fullar af marijúana Innlent Ráðstöfun séreignarsparnaðar inn á húsnæðislán bara tímabundin Innlent Europol og Bandaríkin lýsa eftir úkraínskum tölvuþrjót Erlent Stjórnarandstaðan þurfi ný tæki í hendur eftir darraðardans sumarsins Innlent Tuttugu prósent meira fjármagn í utanríkismál á næsta ári Innlent Efast um að Bandaríkin leyfi sjálfstætt Grænland Erlent „Ég hef alveg heyrt mun verri hugmyndir en þetta“ Innlent Fleiri fréttir Europol og Bandaríkin lýsa eftir úkraínskum tölvuþrjót Hyggjast bólusetja kóalabirni gegn klamydíu Rússneskir drónar skotnir niður í lofthelgi Póllands Óttast gremju uppgjafahermanna í Rússlandi Efast um að Bandaríkin leyfi sjálfstætt Grænland Taka tolla Trumps í flýtimeðferð Standa fast á því að undirskriftin sé ekki Trumps Skipar strax nýjan forsætisráðherra Segja leiðtoga Hamas hafa lifað árásina af Kveikt í þinghúsinu og forsætisráðherrann hrökklast frá Leið yfir nýja ráðherrann á fyrsta fundi Á þriðja tug lífeyrisþega látinn eftir spengjuárás Rússa Ísraelar gera loftárásir á Katar Støre á vandasamt verk fyrir höndum eftir kosningasigur Svíar munu banna farsíma í grunnskólum frá næsta hausti Kosningaúrslit í Noregi: Störe fagnar sigri en Solberg mögulega á förum Mótmæla enn og þrír ráðherrar segja af sér Gefa grænt ljós á handtökur á grundvelli kynþáttar og málnotkunar Gera loftárásir á háhýsi og vara við yfirvofandi innrás Alþjóðakerfinu ekki viðbjargandi og þörf á aðlögun Segir danska kerfið þurfa að líta á Grænlendinga sem jafningja Opinbera bréf Trumps til Epsteins Vinstriblokkin með meirihluta í Noregi Þurfa að finna fimmta forsætisráðherrann á tveimur árum Biðlaði til stjórnarandstöðunnar á pólitískum dánarbeði sínum Mál úgandsks stríðsherra gæti haft þýðingu fyrir Pútín og Netanjahú Skutu mótmælendur til bana við þinghúsið í Nepal Sex látnir í skotárás Palestínumanna í Jerúsalem Fjórar ungar vinkonur fórust í eldsvoða í Noregi Boðað til mótmæla vegna vopnasýningar í Lundúnum Sjá meira
Þrátt fyrir að viðvörunarbjöllur hafi hljómað víða um Evrópu og austurríska skíðasvæðið Ischgl verið skilgreint sem sérstakt áhættusvæði af heilbrigðisyfirvöldum nokkurra landa, hélt partýið áfram dag eftir dag. Þetta er umfjöllunarefni greinar þýska blaðsins Der Spiegel. Í umfjöllun Der Spiegel er saga kórónuveirunnar í Ischgl rakin og farið atburðarásina í bænum sem sagður er hafa sýkt hálfa Evrópu af kórónuveirunni. Ischgl - Ibiza Alpanna Smábærinn Ischgl er þekktur áfangastaður fyrir skíðaferðir og skemmtanalíf í Ölpunum. Bærinn er fámennur en íbúafjöldinn margfaldast á veturna þegar ferðamenn gera sér glaðan dag í brekkunum og á börunum seinna um kvöldið. Í umfjöllun Spiegel er fyrst vikið að atburðum 29. febrúar síðastliðnum þegar hópur írskra skíðagarpa mætir spenntur til Ischgl, tilbúnir til að láta til sín taka í brekkunum og skemmtanalífinu í „Ibiza Alpafjallanna.“ Sama dag er tilkynnt um fyrsta kórónuveirusmitið á Íslandi, skíðamaður sem hafði verið á ferð um Ítalíu, smit hafa greinst í Týról-héraði í Austurríki en partýið heldur áfram á Dorfstrasse í Ischgl. Samdægurs lendir flugvél Icelandair frá München á Keflavíkurflugvelli um borð eru ferðamenn sem höfðu verið í Ischgl. Einn þeirra finnur fyrir flensueinkennum og fer í sýnatöku. Skíðamaðurinn og þeir sem sátu næst honum í vélinni eru beðnir um að fara í sóttkví. Degi síðar höfðu þrjú tilfelli kórónuveirunnar greinst á Íslandi, allir hinna smituðu höfðu verið á skíðum í ítölsku Ölpunum. Á sama tíma gengur lífið sinn vanagang í Ischgl, fólk vaknar rennir sér á skíðum fyrri part dags og skemmtir sér svo langt fram á nótt á hinum ýmsum börum og skemmtistöðum. 5. mars er Ischgl skilgreint sem sérstakt áhættusvæði Fjórða mars hefur öllu skólahaldi á Ítalíu verið aflýst og fleiri Íslendingar, sem höfðu verið í Ischgl, greinast með kórónuveiruna. Degi síðar eru þeir orðnir 21 talsins og sóttvarnarlæknir, Þórólfur Guðnason, lýsir því yfir að skíðabærinn Ischgl í austurrísku Ölpunum sé nú skilgreint sérstakt áhættusvæði vegna kórónuveirunnar. Ákvörðun íslenska sóttvarnarlæknisins hefur engin áhrif á lífið í Paznaun-dalnum í Týról þar sem Ischgl er að finna. Austurrísk yfirvöld draga það í efa að Íslendingarnir hafi smitast í Iscghl og telja líklegt að smit hafi orðið á ferðalaginu sjálfu til Íslands. Enn heldur starfsemi áfram í skíðabænum. Þórólfur Guðnason, sóttvarnalæknir.Vísir/Vilhelm Sunnudaginn 8. mars hafa Norðmenn og Danir fetað í fótspor Íslendinga og skilgreina Ischgl sem áhættusvæði. Á sama tíma geta gestir Kitzloch barsins raðað ofan í sig drykkjum og mat og er staðurinn sagður pakkaður og gestirnir líkt og síld í tunnu. Það er svo degi síðar, þegar Norðmenn hafa sent viðvaranir til Austurríkis og Svíar og Finnar hafa skilgreint Ischgl sem áhættusvæði sem yfirvöld í Týról virðast fyrst horfast í augu við vandann. Öll Norðurlöndin vöruðu við ferðum til Ischgl Fimm dögum eftir að fyrstu vísbendingarnar og ábendingarnar höfðu borist héðan frá Íslandi. Þá hafði þegar greinst kórónuveirusmit í einum barþjónanna á Kitzloch og þúsundir nýrra skíðamanna höfðu komið til bæjarins og þúsundir farið aftur til síns heima, víðs vegar um Evrópu. Danir höfðu þá komist að því að rekja mætti helming smita þar í landi til Ischgl, sömu sögu er að segja um Norðmenn. Fréttir berast af því að 15 manns hafi smitast af barþjóninum á Kitzloch en skemmtistaðirnir halda ótrauðir áfram og auglýsa skemmtanir kvöldsins. 10. mars, eftir að Danir hafa sett Ischgl á rauða listann vegna kórónuveirunnar með Bergamo, Íran, Gyeongsanbuk-do héraði og Hubei-héraði, lýsir ríkisstjórinn Týról yfir að fjöldi smita megi rekja til Ischgl og að öllum skemmtistöðum og börum verði lokað. Skíðasvæðið er þó enn opið og sömu sögu er að segja um veitingastaði svæðisins. Meira en viku síðar loka skíðasvæðin Það er svo tólfta mars sem að ferðamálayfirvöld fyrirskipa lokanir skíðasvæðisins og degi síðar yfirgefa gestir Paznaundal og dreifa sér um Evrópu. Eigendur hótela í Ischgl lýsa yfir vonbrigðum og segja veiruna ekki verri en venjulega flensu og skilja fátt í ákvörðun stjórnvalda. Greint hefur verið frá því að flauta í eigu barþjónsins á Kitzloch hafi gengið manna á milli á barnum og megi rekja fjölda smita til þess. Þegar það kom í ljós höfðu til að mynda 139 danskir ríkisborgarar smitast í Austurríki. Nú hefur bærinn verið settur í sóttkví.Getty/ Jan Heitflesch Spiegel minnir í umfjöllun sinni á hve langur tími leið frá fyrstu viðvörun íslenska sóttvarnarlæknisins, Þórólfs Guðnasonar, til lokunar skíðasvæðisins í Ischgl og greinir frá því að enginn sem yfirgaf svæðið eftir lokun hafi verið prófaður með tilliti til kórónuveirunnar. Iscghl hefur því vakið mikla athygli á heimsvísu fyrir hæg viðbrögð sín við kórónuveirufaraldrinum og hafa í það minnsta tvær málsóknir verið settar af stað gegn yfirvöldum í Týról og skíðasvæðinu. Talið er mögulegt að smiti barþjónsins hafi verið haldið leyndu og hafi það stuðlað að dreifingu veirunnar víða um Evrópu.
Faraldur kórónuveiru (COVID-19) Austurríki Mest lesið Óttast gremju uppgjafahermanna í Rússlandi Erlent Rússneskir drónar skotnir niður í lofthelgi Póllands Erlent Ekki ráðist í bólusetningarátak gegn Covid-19 Innlent Með töskurnar fullar af marijúana Innlent Ráðstöfun séreignarsparnaðar inn á húsnæðislán bara tímabundin Innlent Europol og Bandaríkin lýsa eftir úkraínskum tölvuþrjót Erlent Stjórnarandstaðan þurfi ný tæki í hendur eftir darraðardans sumarsins Innlent Tuttugu prósent meira fjármagn í utanríkismál á næsta ári Innlent Efast um að Bandaríkin leyfi sjálfstætt Grænland Erlent „Ég hef alveg heyrt mun verri hugmyndir en þetta“ Innlent Fleiri fréttir Europol og Bandaríkin lýsa eftir úkraínskum tölvuþrjót Hyggjast bólusetja kóalabirni gegn klamydíu Rússneskir drónar skotnir niður í lofthelgi Póllands Óttast gremju uppgjafahermanna í Rússlandi Efast um að Bandaríkin leyfi sjálfstætt Grænland Taka tolla Trumps í flýtimeðferð Standa fast á því að undirskriftin sé ekki Trumps Skipar strax nýjan forsætisráðherra Segja leiðtoga Hamas hafa lifað árásina af Kveikt í þinghúsinu og forsætisráðherrann hrökklast frá Leið yfir nýja ráðherrann á fyrsta fundi Á þriðja tug lífeyrisþega látinn eftir spengjuárás Rússa Ísraelar gera loftárásir á Katar Støre á vandasamt verk fyrir höndum eftir kosningasigur Svíar munu banna farsíma í grunnskólum frá næsta hausti Kosningaúrslit í Noregi: Störe fagnar sigri en Solberg mögulega á förum Mótmæla enn og þrír ráðherrar segja af sér Gefa grænt ljós á handtökur á grundvelli kynþáttar og málnotkunar Gera loftárásir á háhýsi og vara við yfirvofandi innrás Alþjóðakerfinu ekki viðbjargandi og þörf á aðlögun Segir danska kerfið þurfa að líta á Grænlendinga sem jafningja Opinbera bréf Trumps til Epsteins Vinstriblokkin með meirihluta í Noregi Þurfa að finna fimmta forsætisráðherrann á tveimur árum Biðlaði til stjórnarandstöðunnar á pólitískum dánarbeði sínum Mál úgandsks stríðsherra gæti haft þýðingu fyrir Pútín og Netanjahú Skutu mótmælendur til bana við þinghúsið í Nepal Sex látnir í skotárás Palestínumanna í Jerúsalem Fjórar ungar vinkonur fórust í eldsvoða í Noregi Boðað til mótmæla vegna vopnasýningar í Lundúnum Sjá meira