Fótbolti

Gylfi að fá samherja frá Lille?

Anton Ingi Leifsson skrifar
Gabriel Magalhaes í baráttunni við Neymar í leik Lille og PSG fyrr í vetur.
Gabriel Magalhaes í baráttunni við Neymar í leik Lille og PSG fyrr í vetur.

Everton er eitt af fjórum félögum sem hafa áhuga á að fá varnarmanninn Gabriel Magalhaes en hann er á mála hjá Lille í Frakklandi.

Annað enskt félag sem og tvö félög á Ítalíu eru einnig áhugasöm um varnarmanninn en talið er að hann mun semja við nýtt félag innan tíu daga og ganga í raðir liðsins í sumar.

Þessi 22 ára varnarmaður gekk í raðir Lille frá brasilíska liðinu Avai árið 2017 fyrir 1,5 milljónir punda en nú er hann talinn kosta í kringum þrjátíu milljónir punda eftir flotta frammistöðu með Lille á leiktíðinni.

Arsenal og Tottenham voru einnig sögð áhugasöm um varnarmanninn en óvíst er hvort að þau hafa enn áhuga. Magalhaes er einn þeirra sem hefur vakið mikla athygli hjá skemmtilegu liði Lille undir stjórn Christophe Galtier.

Aðrir leikmenn Lille hafa vakið athygli stórliða. Miðjumaðurinn Boubakary Soumare hefur vakið áhuga Man. United og Chelsea en sóknarmaðurinn Victor Osimhen er sagður á lista Liverpool, Chelsea og Tottenham.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.