Veirunni líkar vel að flakka á milli fólks í fjölskyldu- og vinahópum Sunna Kristín Hilmarsdóttir skrifar 23. nóvember 2020 09:10 Þórólfur Guðnason, sóttvarnalæknir, segir það almenningi að þakka hversu mjög smitum hefur farið fækkandi undanfarið. Vísir/Egill Þórólfur Guðnason, sóttvarnalæknir, segist mjög ánægður með þátttöku almennings í sóttvarnaaðgerðum undanfarnar vikur. Fólk hafi staðið sig gríðarlega vel og það sjáist á fækkun smita þar sem tölurnar fara ekki niður af sjálfu sér. Það sé öllum almenningi að þakka að þetta sé að koma niður. Hann minnir þó á að allri hópamyndun fylgi áhætta, vissulega mismikil, en áhættan sé alltaf til staðar. Hann hafi til dæmis áhyggjur af aðventuboðum og veisluhöldum í aðdraganda jóla því vitað sé að það sé akkúrat við slíkar aðstæður sem fólk gleymi sér. Þetta kom fram í viðtali við Þórólf í Bítinu á Bylgjunni í morgun. Núverandi sóttvarnaaðgerðir gilda til og með 1. desember og sögðu bæði Þórólfur og Víðir Reynisson, yfirlögregluþjónn, í viðtölum um helgina að ef þróunin í faraldrinum heldur áfram eins og verið hefur sé hægt að fara í einhverjar afléttingar í byrjun næsta mánaðar. Kári Stefánsson, forstjóri Íslenskrar erfðagreiningar, varar hins vegar við því að fara í tilslakanir. Þórólfur sagði í Bítinu að hann sjálfur hefði sagt að fara þyrfti varlega í afléttingar á aðgerðum. „En við þurfum náttúrulega líka að slaka á. Við höfum sagt það að ef þetta fer niður og tilefni gefst til þá reynum við að slaka eins og við teljum öruggt að gera. En auðvitað verða alltaf skiptar skoðanir um það hvort það eigi að slaka, hvort það sé slakað of mikið eða hvort það sé að slaka of mikið. Þannig hefur þetta allan tímann verið og verður vafalaust áfram,“ sagði Þórólfur. Íþróttastarf barna og unglinga á leik- og grunnskólaaldri var aftur leyft í liðinni viku en enn eru líkamsræktarstöðvar og sundlaugar lokaðar og íþróttastarf fullorðinna óheimilt. Þjálfarar í handbolta og körfubolta hafa gagnrýnt þetta og kallað eftir því að fá að æfa í lokuðum hópum. Þórólfur kvaðst hafa heyrt þessa gagnrýni og óskir en bað menn um að horfa á heildarmyndina. „Menn eru svolítið fastir í sínu boxi. Heildarmyndin er sú að við höfum verið að reyna að takmarka myndun hópa af hvaða toga sem er. Við erum ekki endilega að flokka hópa niður í litla áhættuhópa eða mikla áhættuhópa. Það hefur skilað þessum árangri að við erum að ná þessu alveg niður og það er að ganga bara mjög vel. Þá munum við reyna að aflétta. Við erum að biðja fólk um að skoða þessa heildarmynd og fara ekki of hratt því veiran er ekki endilega að spyrja nákvæmlega um í hvaða hópi einstaklingar eru. Auðvitað er áhættan mismunandi mikil, en öll hópamyndun, það er áhætta þar ef það kemur bara enn sem er smitaður inn í hópinn.“ Mikið til unnið að halda smitum í lágmarki Þá minnti hann á í sambandi við aðventuboðin að undanfarið hefði það verið svo að faraldurinn hefði haldið áfram hjá hópum sem væru að hittast. „Það eru fjölskylduboð og fjölskylduhópar og vinahópar sem þetta kemur upp í og vinnustaðir og þvíumlíkt og þarna líkar veirunni vel að flakka á milli manna, á slíkum stöðum,“ sagði Þórólfur. Aðspurður hvort hægt væri að komast hjá því að slík smit kæmu upp, hvort það kæmu ekki alltaf upp einhver svona smit, svaraði Þórólfur játandi. „Jú, jú það getur alveg gert það en eftir því sem við höfum minna smit í samfélaginu því ólíklegra er að eitthvað svona komi upp. Ef við erum með mikið smit í samfélaginu þá kemur þetta bara upp hvar sem er og inn á vinnustaði og jafnvel staði þar sem eru viðkvæmir hópar, þó að fólk sé að reyna að passa sig, þá getur hún smyglað sér inn þannig að ég held að það sé mikið til unnið að halda þessu í lágmarki,“ sagði Þórólfur. Skilar tillögum sínum til ráðherra fyrir helgi Hann gerir ráð fyrir að skila tillögum sínum um áframahaldandi sóttvarnaaðgerðir til ráðherra fyrir helgi með þeim fyrirvara að geta breytt tillögunum ef eitthvað gerist í faraldrinum sem kalli á breytingar. „Ég ætla að sjá hvað gerist núna. Ég er kominn með hugmyndir og búinn að viðra þær við mitt fólk. Það er of snemmt að koma með tillögur núna, það getur ýmislegt gerst núna í vikunni,“ sagði Þórólfur. Viðtalið við hann má hlusta á í heild sinni í spilaranum ofar í fréttinni. Faraldur kórónuveiru (COVID-19) Mest lesið „Það er erfitt að setja sig í hermannagalla í litlu sveitarfélagi” Innlent Gekk fram á dauða seli: „Svona á enginn að gera“ Innlent Svona gæti Sundabraut litið út: Brú eða göng meðal valkosta Innlent Segir Fallon og Meyers næsta: „Gerið þetta NBC!!!“ Erlent „Ævintýralegur ávinningur“ og ráðherra segir auðvelt að sækja um Innlent Piltur stakk mann ítrekað en var sýknaður af tilraun til manndráps Innlent Munu leggja fram vísindalegar sannanir fyrir því að Brigitte sé líffræðilega kona Erlent „Ég er bara eins og ég er og tala bara eins og ég tala“ Innlent Ráðast á fangaverði og skvetta á þá ýmsum líkamsvessum Innlent „Ýtnir og frekir“ útlendingar þykjist heyrnarlausir til að svíkja af fólki fé Innlent Fleiri fréttir Bókun 35 fór hnökralaust í gegnum fyrstu umræðu en gæti reynt á í næstu Hundruð milljóna vanti: „Þetta er hreint misrétti“ „Hver ætlar að fylgjast með því að hann komi ekki til baka?“ Vítamínmarkaðurinn á Íslandi eins og villta vestrið Tjáir sig um brottvísun Kourani og tekist á um Jimmy Kimmel Tóku fyrstu skóflustungu að næsta áfanga miðbæjarins á Selfossi „Ýtnir og frekir“ útlendingar þykjist heyrnarlausir til að svíkja af fólki fé BSRB fordæmir áform ríkisstjórnar um að skerða réttindi starfsfólks Piltur stakk mann ítrekað en var sýknaður af tilraun til manndráps Hafnir landsins þurfa hátt í hundrað milljarða næstu fimmtán árin Harma áform stjórnvalda sem heimila hækkun gjalda Innan við helmingur segist trúaður Guðjón Ragnar skipaður skólameistari „Ég er bara eins og ég er og tala bara eins og ég tala“ Inga á móti neitunarvaldi sveitarfélaga „Ævintýralegur ávinningur“ og ráðherra segir auðvelt að sækja um Kjósa um sameiningu sveitarfélaganna í lok nóvember og desember Gísli Marteinn „alls ekki“ á leið í framboð Vilja að átján ára fái að kaupa áfengi Ráðherra boðar stórtækar breytingar og Viðskiptaráð vill finna olíu Hafnar kröfu um ógildingu ákvörðunar Skipulagsstofnunar Svona gæti Sundabraut litið út: Brú eða göng meðal valkosta Stefnir í að forystan verði óbreytt Gekk fram á dauða seli: „Svona á enginn að gera“ Vilja byggja nýtt geðsvið við hlið Landspítalans í Fossvogi Íbúar þurfa ekki lengur að sjóða neysluvatn Ráðast á fangaverði og skvetta á þá ýmsum líkamsvessum „Það er erfitt að setja sig í hermannagalla í litlu sveitarfélagi” Helmingur nýrra íbúða óseldur í yfir 200 daga Ógnaði öðrum með skærum Sjá meira
Þórólfur Guðnason, sóttvarnalæknir, segist mjög ánægður með þátttöku almennings í sóttvarnaaðgerðum undanfarnar vikur. Fólk hafi staðið sig gríðarlega vel og það sjáist á fækkun smita þar sem tölurnar fara ekki niður af sjálfu sér. Það sé öllum almenningi að þakka að þetta sé að koma niður. Hann minnir þó á að allri hópamyndun fylgi áhætta, vissulega mismikil, en áhættan sé alltaf til staðar. Hann hafi til dæmis áhyggjur af aðventuboðum og veisluhöldum í aðdraganda jóla því vitað sé að það sé akkúrat við slíkar aðstæður sem fólk gleymi sér. Þetta kom fram í viðtali við Þórólf í Bítinu á Bylgjunni í morgun. Núverandi sóttvarnaaðgerðir gilda til og með 1. desember og sögðu bæði Þórólfur og Víðir Reynisson, yfirlögregluþjónn, í viðtölum um helgina að ef þróunin í faraldrinum heldur áfram eins og verið hefur sé hægt að fara í einhverjar afléttingar í byrjun næsta mánaðar. Kári Stefánsson, forstjóri Íslenskrar erfðagreiningar, varar hins vegar við því að fara í tilslakanir. Þórólfur sagði í Bítinu að hann sjálfur hefði sagt að fara þyrfti varlega í afléttingar á aðgerðum. „En við þurfum náttúrulega líka að slaka á. Við höfum sagt það að ef þetta fer niður og tilefni gefst til þá reynum við að slaka eins og við teljum öruggt að gera. En auðvitað verða alltaf skiptar skoðanir um það hvort það eigi að slaka, hvort það sé slakað of mikið eða hvort það sé að slaka of mikið. Þannig hefur þetta allan tímann verið og verður vafalaust áfram,“ sagði Þórólfur. Íþróttastarf barna og unglinga á leik- og grunnskólaaldri var aftur leyft í liðinni viku en enn eru líkamsræktarstöðvar og sundlaugar lokaðar og íþróttastarf fullorðinna óheimilt. Þjálfarar í handbolta og körfubolta hafa gagnrýnt þetta og kallað eftir því að fá að æfa í lokuðum hópum. Þórólfur kvaðst hafa heyrt þessa gagnrýni og óskir en bað menn um að horfa á heildarmyndina. „Menn eru svolítið fastir í sínu boxi. Heildarmyndin er sú að við höfum verið að reyna að takmarka myndun hópa af hvaða toga sem er. Við erum ekki endilega að flokka hópa niður í litla áhættuhópa eða mikla áhættuhópa. Það hefur skilað þessum árangri að við erum að ná þessu alveg niður og það er að ganga bara mjög vel. Þá munum við reyna að aflétta. Við erum að biðja fólk um að skoða þessa heildarmynd og fara ekki of hratt því veiran er ekki endilega að spyrja nákvæmlega um í hvaða hópi einstaklingar eru. Auðvitað er áhættan mismunandi mikil, en öll hópamyndun, það er áhætta þar ef það kemur bara enn sem er smitaður inn í hópinn.“ Mikið til unnið að halda smitum í lágmarki Þá minnti hann á í sambandi við aðventuboðin að undanfarið hefði það verið svo að faraldurinn hefði haldið áfram hjá hópum sem væru að hittast. „Það eru fjölskylduboð og fjölskylduhópar og vinahópar sem þetta kemur upp í og vinnustaðir og þvíumlíkt og þarna líkar veirunni vel að flakka á milli manna, á slíkum stöðum,“ sagði Þórólfur. Aðspurður hvort hægt væri að komast hjá því að slík smit kæmu upp, hvort það kæmu ekki alltaf upp einhver svona smit, svaraði Þórólfur játandi. „Jú, jú það getur alveg gert það en eftir því sem við höfum minna smit í samfélaginu því ólíklegra er að eitthvað svona komi upp. Ef við erum með mikið smit í samfélaginu þá kemur þetta bara upp hvar sem er og inn á vinnustaði og jafnvel staði þar sem eru viðkvæmir hópar, þó að fólk sé að reyna að passa sig, þá getur hún smyglað sér inn þannig að ég held að það sé mikið til unnið að halda þessu í lágmarki,“ sagði Þórólfur. Skilar tillögum sínum til ráðherra fyrir helgi Hann gerir ráð fyrir að skila tillögum sínum um áframahaldandi sóttvarnaaðgerðir til ráðherra fyrir helgi með þeim fyrirvara að geta breytt tillögunum ef eitthvað gerist í faraldrinum sem kalli á breytingar. „Ég ætla að sjá hvað gerist núna. Ég er kominn með hugmyndir og búinn að viðra þær við mitt fólk. Það er of snemmt að koma með tillögur núna, það getur ýmislegt gerst núna í vikunni,“ sagði Þórólfur. Viðtalið við hann má hlusta á í heild sinni í spilaranum ofar í fréttinni.
Faraldur kórónuveiru (COVID-19) Mest lesið „Það er erfitt að setja sig í hermannagalla í litlu sveitarfélagi” Innlent Gekk fram á dauða seli: „Svona á enginn að gera“ Innlent Svona gæti Sundabraut litið út: Brú eða göng meðal valkosta Innlent Segir Fallon og Meyers næsta: „Gerið þetta NBC!!!“ Erlent „Ævintýralegur ávinningur“ og ráðherra segir auðvelt að sækja um Innlent Piltur stakk mann ítrekað en var sýknaður af tilraun til manndráps Innlent Munu leggja fram vísindalegar sannanir fyrir því að Brigitte sé líffræðilega kona Erlent „Ég er bara eins og ég er og tala bara eins og ég tala“ Innlent Ráðast á fangaverði og skvetta á þá ýmsum líkamsvessum Innlent „Ýtnir og frekir“ útlendingar þykjist heyrnarlausir til að svíkja af fólki fé Innlent Fleiri fréttir Bókun 35 fór hnökralaust í gegnum fyrstu umræðu en gæti reynt á í næstu Hundruð milljóna vanti: „Þetta er hreint misrétti“ „Hver ætlar að fylgjast með því að hann komi ekki til baka?“ Vítamínmarkaðurinn á Íslandi eins og villta vestrið Tjáir sig um brottvísun Kourani og tekist á um Jimmy Kimmel Tóku fyrstu skóflustungu að næsta áfanga miðbæjarins á Selfossi „Ýtnir og frekir“ útlendingar þykjist heyrnarlausir til að svíkja af fólki fé BSRB fordæmir áform ríkisstjórnar um að skerða réttindi starfsfólks Piltur stakk mann ítrekað en var sýknaður af tilraun til manndráps Hafnir landsins þurfa hátt í hundrað milljarða næstu fimmtán árin Harma áform stjórnvalda sem heimila hækkun gjalda Innan við helmingur segist trúaður Guðjón Ragnar skipaður skólameistari „Ég er bara eins og ég er og tala bara eins og ég tala“ Inga á móti neitunarvaldi sveitarfélaga „Ævintýralegur ávinningur“ og ráðherra segir auðvelt að sækja um Kjósa um sameiningu sveitarfélaganna í lok nóvember og desember Gísli Marteinn „alls ekki“ á leið í framboð Vilja að átján ára fái að kaupa áfengi Ráðherra boðar stórtækar breytingar og Viðskiptaráð vill finna olíu Hafnar kröfu um ógildingu ákvörðunar Skipulagsstofnunar Svona gæti Sundabraut litið út: Brú eða göng meðal valkosta Stefnir í að forystan verði óbreytt Gekk fram á dauða seli: „Svona á enginn að gera“ Vilja byggja nýtt geðsvið við hlið Landspítalans í Fossvogi Íbúar þurfa ekki lengur að sjóða neysluvatn Ráðast á fangaverði og skvetta á þá ýmsum líkamsvessum „Það er erfitt að setja sig í hermannagalla í litlu sveitarfélagi” Helmingur nýrra íbúða óseldur í yfir 200 daga Ógnaði öðrum með skærum Sjá meira