Lífið

Leiðinlegu ráðin sem hafa áhrif á hárlos eftir meðgöngu

Sylvía Rut Sigfúsdóttir skrifar
Hárlos nýbakaðra mæðra tengist ekki brjóstagjöfinni þó að margar konur upplifi það á sama tíma og brjóstagjöf.
Hárlos nýbakaðra mæðra tengist ekki brjóstagjöfinni þó að margar konur upplifi það á sama tíma og brjóstagjöf. Getty/ Chalisa Thammapatanaku

„Það sem ég lærði í náminu mínu var að tilfinningar og andlegt ástand, tökum við oft út á hárinu á okkur. Þegar við erum að díla við eitthvað stórt í lífinu þá förum við og pöntum okkur tíma í klippingu af því að við þurfum breytingu.“

Hárgreiðslukonan og hársérfræðingurinn Birgitta Ásbjörnsdóttir endaði á að raka helminginn af hárinu sínu eftir hárlos á meðgöngu. Hún er margra barna móðir í dag en segir að hárlosið hafi verið mjög mismunandi eftir meðgöngum.

„Ég var með svo mikið hárlos og það var svo sterkt í mér að fá einhvers konar breytingu,“ segir Birgitta. Hún segir að eftir að hún átti yngstu stelpuna sína hafi hún orðið hálf klikkuð.

„Mér tókst að eyðileggja á mér hárið með aflitun, litun og permanetti. You name it, ég tók allan pakkann af því að ég þurfti breytingu því hárið á mér var í svo miklu rugli. Ég held að það séu margar konur sem hafi upplifað þetta líka.“

Allt tengt hormónunum

Þetta var áður en hún ákvað sjálf að læra hárgreiðslu líkt og móðir hennar og amma höfðu gert.

„Í þrjú ár var ég að berjast við að koma hárinu í jafnvægi og endaði á því að klippa næstum því allt af og varð mjög stutthærð. Ég fór niður í það sem var heilbrigt og allt hitt fór af, það var mjög erfitt að verða stutthærð þegar ég hafði alltaf séð mig sem síðhærða konu.“

Birgitta ÁsbjörnsdóttirMynd úr einkasafni

Birgitta ræddi allt tengt hári í kringum barneignir við Andreu Eyland í hlaðvarpinu Kviknar. Þar segir hún meðal annars að það sé algengur misskilningur að hárlosið sé aðeins hjá þeim konum sem eru með börn á brjósti, en sjálf er hún pelamamma.

„Þetta er allt saman hormónatengt,“ útskýrir Birgitta.

„Það sem gerist þegar við göngum við barn er að hárið fer í hvíldarfasa. Hárið á sinn lífhring og þegar við erum óléttar þá fer það í hvíldarfasa og þetta er allt saman hormónatengt. Þá er aukin framleiðsla á estrógeni í líkamanum okkar og það styrkir hárið. Það sem gerist þegar við erum búnar að eiga er að þá minnkar estrógenið og þá fer allt í rugl. Við erum í ójafnvægi hormónalega.“

Konur geta gert ýmislegt til að reyna að koma jafnvægi á aftur, en þetta getur reynst mörgum konum með nýbura mjög erfitt. Birgitta segir að þetta séu leiðinleg ráð eins og að lágmarka stress, fá góðan svefn og að passa upp á mataræði og vatnsdrykkju.  Áföll geti líka haft áhrif á hárið.

„Þetta eru ekkert skemmtilegustu ráðin að heyra.“ 

Hægt er að hlusta á viðtalið í heild sinni í spilaranum hér fyrir neðan. í þessum þætti er rætt um algengan kvilla sem fylgir barneignarferlinu, hármissi. Andrea og Birgitta spjalla um hormóna, hárkollur og andlega líðan tengt hárinu.

Klippa: Kviknar - Hárið

Tengdar fréttir

Byggja níu metra A-hús með níu svefnherbergjum í Ölfusi

„Markmiðið okkar hefur alltaf verið að við gætum verið tvö í þessu. En hlaðvarp og Instagram, þetta er ekki tekjulind, þetta er ekki fyrir salti í grautinn og það verður enginn ríkur að þessu. En markmiðið okkar með þessu er ekkert endilega að vera rík. Bara að eiga ofan í okkur og á,“ segir Andrea Eyland

Flókið að samræma foreldra sem hafa enga tengingu nema barnið

„Ég er enginn gúrú í þessum málum, þannig að ég hef stigið alls konar skref sem að ég hefði kannski ekki átt að gera og skipt mér of mikið af. Ég er bara að eðlisfari mjög stjórnsöm og það hefur kannski ekkert endilega fallið í góðan jarðveg,“ segir Andrea Eyland um stjúpmóðurhlutverkið.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.