Hinn 37 ára gamli Pandev skaut Norður-Makedóníu á Evrópu­­mótið

Goran Pandev skaut Norður-Makedóníu á EM í knattspyrnu. Skoraði hann eina markið í 0-1 sigri á Georgíu í kvöld.

Það er ekki aðeins Ísland sem leikur í umspili um sæti á Evrópumótinu næsta sumar. Alls fara fjórir leikir fram og er einum þeirra nú lokið.

Georgía tók á móti Norður-Makedóníu og var leikurinn hnífjafn. Eftir markalausan fyrri hálfleik þá tóku gestirnir forystuna þegar rúmar tíu mínútur voru liðnar af síðari hálfleik. Þar var að verki gamla brýnið - og fyrirliðinn - Goran Pandev, leikmaður Genoa í ítölsku úrvalsdeildinni.

Hinn 37 ára gamli Pandev – sem hefur leikið með Inter Milan, Lazio, Napoli og Galatasaray, reyndist hetja kvöldsins. Mark hans var eina mark leiksins og lokatölur því 1-0 Norður-Makedóníu vil. Alls hefur Pandev skorað 36 mörk í 114 landsleikjum.

Er þetta í fyrsta sinn sem Norður-Makedón­ía kemst í loka­keppni EM. Norður-Makedónía, þar áður Makedónía, var á sínum tíma hluti af gömlu Júgóslavíu og tók þar þátt á HM árið 1990 og EM árið 1992 sem hluti af Jógóslavíu.

Norður-Makedónía leikur í C-riðli á EM ásamt Hollandi, Austurríki og Úkraínu.